Genese 3:20 - MUKANDA WA MYIDI MUKULU

²⁰ Mulume kuinyika mukajende dina ne: Eva. Mmumue ne: “Mua-bana”, bualu yeye udi mamu wa bonsu badi ne muoyi.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Mulume wakidika mukashi wandi dina ne, Eva, bualu bua yeye udi muledi wa bonso badi ne muoyo.

Genese 3:20 Խաչաձեւ Հղումներ

Genese 16:11

Mpindiewu udi ne difu. Neulele muana wa balume. Umuinyike Ismayele. Bualu Maweja-Nangila mmumane kumvua muadi wa dikenga diebe.

Genese 2:20

Muntu kuinyika nyama yonsu ne nyunyi yonsu ya mulu mena. Kadi ku luende luseke, kavua mupete mukuende wa bu yeye uvua mua kumuambuluisha.

Genese 2:23

Mulume umona mukaji, kuelaye diyi dikole wamba ne: “Mpindiewu mbapetshi wa ku meme, munyinyi wa ku munyinyi wanyi, mufuba wa ku mifuba yanyi. Nebamubikile ne: ‘Mmukaji’, bualu mmufumine kudi mulume.”

Genese 3:21

Maweja-Nangila Mvidi Mukulu kuenzela mulume ne mukajende bilamba bia biseba bia nyama, kubavuadika.

Genese 35:18

Rakele ulela, kushala ukengakana ne lufu. Pa kukulaye muoyi, kuinyikaye muana awu ne: Benoni, mmumue ne: Makenga. Kadi Yakobe, tatuende kumuinyika ne: Binyamine, mmumue ne: Diboku dia bukole.

Genese 5:29

Kumuinyikaye ne Nowa, wamba ne: — Muana ewu neatusambe ku mudimu mukole wetu wa bianza utudi tukuata, bualu Maweja-Nangila uvua mutshipe buloba.

Ekesode 2:10

Muana mumane kukola, mamuende kumupingaja kudi muana wa mukalenga. Awu kumuangata bu muanende, kumuinyika dina ne: — Diende mMoshe, bualu ndi mumupatule mu mayi.

Matayi 1:21

Nealele muana wa balume. Neumuinyike dina ne: Yezu, bualu neasungile bantu bende ku mibi yabu.

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

Bienzedi 17:26

Udi mufuke bisamba bionsu, bifumine kudi muntu umue, mubitangalaje pa buloba bujima. Kufundilaye tshisamba tshionsu tshikondu tshia kusomba panu, ne mikalu ya miaba idi tshi mua kuasa.

2 Korente 11:3

Nyoka, uvua mupambule Eva ne budimu buende, ke undi ntshina. Bualu meji enu adi mua kupambuka mu njila, nuenu kulekela kunanga Kristu, kulekela kumuitaba ne muoyi umue.

1 Timote 2:13

Bualu Mvidi Mukulu uvua mufuke Adame kumpala, pashishe Eva.

1 Samuele 1:20

Ke Ane kuimita difu, kulela muana wa balume. Ane kuamba ne: — Muana ewu ndi mmuinyika ne: Samuwele, bu alu ndi mumulomba kudi Maweja-Nangila.