Genese 1:29 - MUKANDA WA MYIDI MUKULU

²⁹ Mvidi Mukulu kubambila ne: “Mbanupeshi midioku yonsu ya pa buloba idi ne ntete, ne mitshi yonsu idi ikuama bimuma, bikale biakudia bienu.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Nzambi wakamba ne, Monai, nakanuha midioko yonso ya ha buloba idi yela ntete, ne mitshi yonso idi ikuama mamuma adi ne ntete munda, bua kuikalabi bia kudia bienu.

Genese 1:29 Խաչաձեւ Հղումներ

Genese 9:3

Nanku, bu mumvua munupe bisekiseki bua nuenu kudia, ke mundi munupe kabidi nyama yonsu ikale biakudia bienu.

Misambu 24:1

Musambu wa mu mukanda wa misambu ya Davide. Bantu ne bintu bionsu mbia Maweja-Nangila, buloba ne bidipu bionsu mbiende yeye.

Bienzedi 17:28

bualu “Munda muende tudi ne muoyi, munda muende tudi mua kunyunga, tudi kabidi amu munda muende.” Ke mudi bamue ba ku bafundi benu bajadike ne: “Tudi bana bende kabidi.”

Bienzedi 14:17

Kadi uvua udimanyisha matuku onsu mu malu mimpe avuaye wenza: udi unulokeshila mvula, ubobesha bikunyibua mu tshikondu tshiabi, unupa biakudia, usankisha mioyi yenu.

Misambu 147:9

Udi udisha nyama ne bana ba tshikololu, padibi bikeba tshiakudia.

Misambu 136:25

Udi upesha bifukibua bionsu tshiakudia, bualu dinanga diende ndia kashidi.

Matayi 6:11

Utupe tshiakudia tshietu ku dituku ku dituku.

Yobe 36:31

Padi Mvidi Mukulu ulokesha mvula, udi ukuba bantu, ubapesha biakudia bivule.

Genese 2:16

Maweja-Nangila Mvidi Mukulu kuelela muntu mukenji ne: “Udi mua kudia bimuma bia mitshi yonsu idi mu lupangu.

1 Timote 6:17

Ambila bena biuma bia panu, bua kabaditambishi, kabatekemenyi biuma ebi bia lupitapita. Kadi batekemene kudi Mvidi Mukulu udi utupetesha bionsu bitudi tukengela bua tuetu kusanka nabi.

Osheya 2:8

Kadi meme Maweja-Nangila nenjikile mukaji awu njila ne lupangu lua meba. Nemmuele mu tshimana bua kamonyi njila wa kupitshila.

Yeshaya 33:16

Muntu awu neasombe talalaa, bu muntu musokome kulu pa mikuna, bu udi unyemena mu mbuebue mikole. Neapetemu tshiakudia, kakupanga mayi a kunua.

Misambu 146:7

Udi ulumbuluila bantu badibu bakengesha, upesha badi ne nzala tshiakudia, usulula badi mu nkanu.

Misambu 115:16

Diulu ndia Maweja-Nangila, nkayende, kadi buloba mmubupeshe bantu.

Misambu 111:5

udi upesha badi bamutshina biakudia, udi uvuluka ndondu wende matuku onsu.

1 Timote 4:3

Bantu abu badi balongesha ne: kusela nkubi; biakudia bikuabu kanuena mua kubidia. Kadi Mvidi Mukulu mmufuke biakudia abi, bua bena ditaba, badi bamanye bulelela, babidie, bamane kutendelela bua kumuela tusakidila.

Genese 6:21

Usangishe biakudia bia mishindu yonsu, ubitekele mu buatu bua numone mua kudia wewe ne bena diebe, kabidi ne nyama.”