Filipe 1:30 - MUKANDA WA MYIDI MUKULU

³⁰ Mpindiewu nudi badisange nanyi mu mvita eyi. Ke mvita inuvua bammone nduangana kale, ke indi nduangana kabidi ne lelu, bu munudi bamanye.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ nudi ne diluangana diodiumue dinuakatangila munda muanyi, ne dinudi nunyua katataka ne didi munda muanyi.

Filipe 1:30 Խաչաձեւ Հղումներ

Yowanane 16:33

Mvua munuambile bionsu ebi bua nuikale ne ditalala, badisange nanyi. Nenukenge pa buloba. Kadi nukoleshe muoyi! Nkadi mumane kutshimuna ba pa buloba!

Filipe 1:13

Bualu bantu badi bakuata mudimu mu nzubu wa bukalenga, ne bantu bakuabu bonsu, badi bamanye ne: mbangele mu lukanu, bualu ndi nkuatshila Kristu mudimu.

Kolose 1:29

Ke mudimu undi ntatshila, nduangana mvita ne bukole budi Kristu umpesha, bualu ke budi buenza mudimu munda muanyi.

Kolose 2:1

Ndi musue bua numanye mvita mikole indi nduangana bualu buenu, kabidi bua bena Lawodikiya, ne bua bantu bonsu badi kabayi banji kummanya.

1 Tesalonike 2:2

Nudi bamanye kabidi ne: katuyi banji kufika kuenu, bavua batupende, batukengeshe mene mu Filipe. Kadi Mvidi Mukulu uvua mutupe bukitu bua kunumanyisha Lumu lua Disanka lua kudiye, nansha muvua bantu bavule batuluisha.

1 Timote 6:12

Mu mvita ya kukolesha ditaba diebe, uluangane bimpe, bua upete muoyi wa kashidi. Mvidi mukulu mmukubikile ku muoyi ewu, pauvua mujukule ditaba diebe ne miaku milenga, bantu ba bungi bumvue, bajadike muuvua wamba.

2 Timote 4:7

Ndi muluangane mvita mimpe. Ndi mujikije mutantshi wonsu umvua ne bua kunyema. Ndi mulame ditaba too ne ku ndekelu.

Ebrewu 12:1

Tuetu kabidi, badi batunyunguluka kudi tshisumbu tshinene etshi tshia badi bitabe Mvidi Mukulu. Nenku tumbushayi malu onsu adi atupumbisha mua kutungunuka. Tulekele mibi idi itukuata lukasa. Tunyemene ne muoyi mushindame mu njila udibu batuleja.

Ebrewu 12:4

Bualu nudi nuluisha mibi, kadi kanuena banji kuluangana too ne ku lufu.

Didimanyisha 12:11

Bana betu mbamutshimune ku bukole bua mashi a Muana wa mukoku, ne ku bukole bua malu malelela avuabu bambe, bajadike. Bavua bajinga kufila muoyi wabu; nansha bua kufua bavua amu bitabe.