Ekesode 40:38 - MUKANDA WA MYIDI MUKULU

³⁸ Nanku, mu munya, Maweja-Nangila uvua umuenekela bena Izrayele mu divuba divua dibuikila muaba wa tshijila. Butuku, uvua ubamuenekela mu kapia kavua kakenka muaba awu. Ke muvua luendu lujima lua bena Izrayele nanku.

Mukanda wa Nzambi Dihungila Dikulukulu ne Dihungila Dihia-dihia 2003

³⁸ Bualu bua difutu dia Yehowa diakadi ha mutu ha nsubu mu munya, ne mu butuku kahia kakadihu, ku mesu kua Bena Isalele bonso mu ngendu yabo yonso.

Ekesode 40:38 Խաչաձեւ Հղումներ

Misambu 78:14

Mu munya uvua ubalombola mu divuba kumpala kuabu, butuku uvua ubakenkeshila tshimunyi tshia kapia.

Dibadika 9:15

Dituku divuabu base nzubu wa tshijila, divuba divua dibuikila ntenta uvua ne mushete wa ndondu. Butuku, divuba adi divua dikenka bu kapia too ne muatshiabu.

Ekesode 13:21

Mu munya, Mvidi Mukulu uvua mu divuba kumpala kua bena Izrayele bua kubaleja njila. Kadi butuku uvua mu tshimunyi tshia kapia bua kutokeshila bena Izrayele njila. Ke muvuabu mua kuenda butuku ne munya.

Misambu 105:39

Bua kubalama, Maweja-Nangila, kubabadila divuba dia muinshi, ne kapia bua kubatokeshila butuku.

Dibadika 9:12

Munyinyi awu, nebaujikije dituku anu dimue. Kabena mua kuboza mufuba wa mukoku to. Nebalonde amu mikenji ya tshibilu tshia Dipita dia Maweja-Nangila.

Ekesode 13:22

Nanku, divuba divua kumpala kua bena Izrayele mu munya, ne tshimunyi tshia kapia tshivua kumpala kuabu butuku. Kabivua biumuka kumpala kuabu to. Bivua anu Ubalombola diba dionsu.

Dibadika 9:16

Matuku onsu bivua amu nanku: divuba dibuikila nzubu, dikenka bu kapia butuku.

Dibadika 10:34

Divuba dia Maweja-Nangila divua dienda kulu kua bena Izrayele mu munya, pavuabu babanga luendu.

2 Samuele 7:6

Bualu biangatshile dituku dimvua mupatule bena Izrayele mu Ejipitu too ne mpindiewu, katshia tshiena muanji kusomba mu nzubu to. Kadi, mvua anu musombe mu ntenta, muaba wa tshijila, ngendakana ne bena Izrayele mu njila. Matuku awu onsu, mvua muteke balombodi bashilangane bua baludike bantu banyi bena Izrayele bimpe. Kadi tshivua mujane mulombodi nansha umue ne: kena mungashile nzubu wa mitshi ya sedre bua tshinyi?