Ekesode 3:20 - MUKANDA WA MYIDI MUKULU

²⁰ Nanku neukengeshe bena Ejipitu ne makenga a mishindu yonsu. Pamona mukalenga wabu nanku, neanulekele.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Nengolole tshianza tshianyi, nembakengeshe ne malu a kukema; ne ku nyima kua malu â yeye neanulekele.

Ekesode 3:20 Խաչաձեւ Հղումներ

Genese 15:14

Kadi, meme nennyoke tshisamba tshikale tshiyikuata ku bupika atshi. Ndelanganyi yebe neyipatuke mu bupika ne biuma bia bungi.

Nehemya 9:10

Uvua muenze malu a kukema, bua kunyoka mukalenga wa mu Ejipitu, nebalombodi ba mu bukalenga buende, ne bantu bonsu ba mu ditunga diende. Bualu uvua mumanye muvua bena Ejipitu bakengesha bankambua betu. Ke muuvua mupete lumu lunene. Utshidi nalu ne lelu.

Misambu 105:27

Ku bukole buende kuenzabu bishima munkatshi muabu, kuenzabu malu a kukema mu ditunga dia Kame.

Misambu 105:38

Bena Ejipitu kusanka bua dipatuka diabu, bualu bowa bukavua bumane kubakuata.

Misambu 106:22

mubenzele malu a kukema mu ditunga dia Kame, ne malu adi akuatshisha bowa ku mayi manene a Luepu.

Ekesode 11:1

Maweja-Nangila kuambila Moshe ne: — Ndi ntumina mukalenga wa bena Ejipitu ne bantu bende dinyoka dia ndekelu. Nanku neanulekele, anuipate mene kashidi mu ditunga diende.

Ekesode 12:39

Nanku bena Izrayele kuenza mikata ne ditapi dia bukula buvuabu basopa kabuyi buanji kubanda, buvuabu bumuka nabu mu Ejipitu. Kabavua ne diba dia kulamba biakudia, nansha dia kuangata bintu bia luendu. Bualu bena Ejipitu bavua benda babipatshila.

Ekesode 13:3

Moshe kuambila bena Izrayele ne: — Nuvuluke dituku edi. Kanudi mampa adibu bela buanga to. Bualu ke dituku divua Maweja-Nangila muleje bukole buende, munupatule ku bupika mu Ejipitu.

Ekesode 13:9

Tshibilu etshi netshikale bu tshimanyinu ku diboku nansha pa mpala yenu, bua kunuvuluija dipatuka dienu mu Ejipitu. Nanku, netshinuvuluije munudi ne bua kumanyisha bantu mikenji ya Maweja-Nangila, uvua munupatule mu ditunga dia Ejipitu.

Ekesode 15:11

Maweja-Nangila, ku mvidie idibu batendelela, udi ukufuana nnganyi? Kakuena udi wa tshijila, amu wewe! Kakuena mukuabu udi mua kuenza malu a kukema! Kakuena mukuabu utudi ne bua kutshina. Kakuena mukuabu utudi tutumbisha.

Ekesode 15:6

Maweja-Nangila, tshianza tshiebe tshia balume tshidi ne bukole, tshidi tshibutula baluishi bebe.

Ekesode 4:21

Maweja-Nangila kuambila kabidi Moshe ne: — Ndi nkupesha bukole bua kuenza bishima. Pawafika kudi mukalenga wa bena Ejipitu, wenze bishima bionsu bindi mukuleje. Kadi meme nemmupeshe muoyi wa tshitunu. Kakuanyisha bua bena Izrayele bumuke to.

Ekesode 6:1

Maweja-Nangila kuambila Moshe ne: — Neudimuene nkayebe mundi ngenzeja mukalenga wa bena Ejipitu ku bukole bua kulekelaye bena Izrayele baye. Nemmuenzeje kabidi ku bukole bua abipate mu ditunga diende.

Ekesode 6:6

Nanku ambila bena Izrayele mu dina dianyi ne: “Ndi Maweja-Nangila! Nennumushe ku midimu mikole inudi nuenzela bena Ejipitu. Nennupatule ku bupika budibu banukuate. Nengenzeje bena Ejipitu ku bukole, mbanyoke bikole bua kunusungidila.

Ekesode 9:15

Bu meme mukutumine wewe ne bantu bebe disama dikole dia tshiambu, bonsu nuvua mua kuikala bamane kubutuka.

Yeshaya 19:22

Maweja-Nangila neanyoke bena Ejipitu, bua bamone mua kudilengeja. Nebapingane kudiye. Yeye neanyishe malomba abu, neabambuluishe.

Yeshaya 26:11

Maweja-Nangila, wewe udi olola tshianza bua kubanyoka, kadi kabena bamona biudi musue kuenza to. Udi ubaluisha bundu, ubanyoka, bua bamone muudi unanga bantu bebe bikole! Kapia kaudi mufundile bena lukuna bebe, kababutule bonsu bungi buabu!

Yezekiyele 20:33

Ndi Maweja-Nangila Mvidi Mukulu udi ne muoyi. Nennukengeshe ne bukole buonsu. Tshiji tshianyi netshinunyoke bikole. Ke mundi nnuleja ne: ndi mfumuenu.

Mika 7:15

Utuenzele malu a kukema, bu tshikondu tshiuvua mutupatule mu Ejipitu.

Bienzedi 7:36

Moshe kupatula bena Izrayele mu Ejipitu, kuenza bishima ne malu a dikema mu ditunga dia bena Ejipitu, mu mayi manene Makunze, ne mu tshipela, bidimu makumi anayi.

Dielulula 4:34

Kudi mvidie ukadi mupatule tshisamba tshia bantu bende mu bupika, muleje bumfumu buende, ne bukole buende, bu munuvua nuenu badimuene anyi? Kudi mvidie uvua mukengeshe bantu, mutshimune mvita, muenze bishima ne malu a kukema, muenze kabidi ne malu adi akuatshisha bantu bowa, bu muvua Maweja-Nangila Mvidi Mukulu wenu munuenzele mu Ejipitu anyi?

Dielulula 6:22

Tuvua badimuene bishima binene ne bia dikema, bivua Maweja-Nangila mukengeshe nabi mukalenga awu, diku diende ne bantu bende bonsu.

Balombodi 6:8

Maweja-Nangila kubatumina muambi. Awu kubambila ne: — Maweja-Nangila Mvidi Mukulu wa bena Izrayele udi wamba ne: “Mvua munupatule mu ditunga dia Ejipitu munuvua mu bupika.

Balombodi 8:16

Ngideyone kuangata meba ne mingonga bia mu tshipela, kukengesha nabi bakulu ba mu tshimenga tshia Sukote.