Ekesode 22:3 - MUKANDA WA MYIDI MUKULU

³ “Kadi bobu bamusangane ne bimuna bivuaye muibe abi bitshikale ne muoyi: ngombe, mpunde, mukoku nansha mbuji, bua tshimuna tshimue neafute bimuna bibidi.

Mukanda wa Nzambi Dihungila Dikulukulu ne Dihungila Dihia-dihia 2003

³ Biamukuatabo mu munya, nebamusombuele, yeye neahingashe bintu, ne bikaleye kayi ne bintu, nebamuhane bua buibi buandi.

Ekesode 22:3 Խաչաձեւ Հղումներ

Genese 44:10

Mulombodi wa bena mudimu wa Yozefe kuandamuna ne: — Ndi mumvue munuambi amu, mbimpe. Kadi amu muntu wa kunudi utudi tusangana ne dikopu adi, neashale mupika wanyi. Bakuabu nebaye kudibu basue.

Ekesode 21:2

“Nuenu basumbe muena Ebrewu, anuenzele mudimu wa mupika anu bidimu bisambombu. Kadi tshidimu tshia muanda mutekete, numulekele tshianana, kayi unufuta to.

Ekesode 21:34

muena tshiina neafute tshibawu. Kadi nyama udi mufue neashale mu dina dia muena tshiina.

Ekesode 22:2

Kadi pikalabu bakuate muivi mu munya, mumushipi udi ne tshilumbu. Pikala muivi katshiyi ne bintu bivuaye muibe abi, nebamupane, ashale mupika bua buivi buende.

Yeshaya 40:2

Nukoleshe bena Yerushalayime ku muoyi! Nubele mbila, nubambile ne: “Midimu yenu mikole yajiki! Nudi bafute tshibawu tshienu. Maweja-Nangila mmununyoke misangu ibidi dinyoka dijima dinuvua ne bua kupeta.”

Yeshaya 50:1

Maweja-Nangila udi unuebeja ne: Nudi nuamba ne: ndi mubenge Yerushalayime, mamuenu, kadi mukanda udi ujadika mundi munubenge wepi? Meme munusumbishe, munutume ku bupika, bua meme kufuta mabanza, kadi ndi munutume kudi nganyi? Eyowa, bavua banusumbishe bua malu enu mabi, bavua babenge mamuenu bua buntomboji buende, bua buntomboji buenu.

Matayi 18:25

Muntu ewu kavua ne kantu ka kuhita dibanza edi. Nanku mukalenga wende kutuma diyi bua bamupane bu mupika, bapane kabidi mukajende, bana bende, ne bionsu bivuaye nabi bua kuhita dibanza diende.

Balombodi 10:7

Nanku Maweja-Nangila kufikila bena Izrayele munda. Kubafilaye mu bianza bia bena Peleshete ne bena Amone.

Balombodi 2:14

Maweja-Nangila kufikila bena Izrayele munda. Kavua ubambuluisha kabidi to. Ke muvua bena buenzayi biba bintu bia bena Izrayele bionsu. Maweja-Nangila kufila bena Izrayele mu bianza bia baluishi bavua nabu mutumba. Bena Izrayele kabavua ne mushindu wa kutuila baluishi babu nkanana to.