Ekesode 14:3 - MUKANDA WA MYIDI MUKULU

³ Mukalenga wa bena Ejipitu neele meji ne: bena Izrayele mbapambuke mu njila, bajimine mu tshipela.

Mukanda wa Nzambi Dihungila Dikulukulu ne Dihungila Dihia-dihia 2003

³ Palô neambe bua Bena Isalele ne, Bakuhambuka mu nshila, tshihela tshiakubahumbisha.

Ekesode 14:3 Խաչաձեւ Հղումներ

Misambu 139:2

Udi mumanye pandi nsomba nansha mbika, majinga anyi udi muamanye kale.

Misambu 139:4

Tshiyi muanji kuamba diyi mukana muanyi, wewe ukadi mumanye bionsu bindi musue kuamba.

Misambu 3:2

Maweja-Nangila, baluishi banyi badi ba bungi. Bantu badi bankina, kabena kubala.

Misambu 71:11

“Mvidi Mukulu kena kabidi nende ne bualu. Tumuipate, tumukuate, kakutshiena udi mua kumunyenga mu bianza bietu.”

Ekesode 14:2

— Manyisha bena Izrayele bapingane, base mitanda yabu kumpala kua Pi-Hahirote, pankatshi pa Migdole ne mayi manene, pabuipi ne Baale-Sefone.

Ekesode 14:4

Pashishe, meme Maweja-Nangila nempeshe mukalenga wa bena Ejipitu muoyi wa tshitunu, bua anulonde. Nanku, nendeje butumbi buanyi, nembabutule, yeye mukalenga ne biluilu biende bionsu. Bena Ejipitu nebajadike ne: meme ndi Maweja-Nangila. Bena Izrayele kuenza bionsu bivuabu babambile abi.

Yezekiyele 38:17

“Meme Maweja-Nangila Mvidi Mukulu, ndi nkuambila ne: Wewe ke umvua ntela kukadi bidimu bivule, diba dimvua muambile bambi ba bena Izrayele, bantu banyi, ne: numanyishe bena Izrayele misangu ne misangu ne: nentume muntu udi ne bua kuluisha bena ditunga dienu.

Bienzedi 4:28

Nenku mbakumbaje bionsu biuvua mudianze kujadika ku bukole buebe ne ku meji ebe ne: nebienzeke.

Dielulula 31:21

Bena Izrayele nebapete ntatu ne makenga makole. Kadi meyi a musambu ewu neanusonguele. Bualu ndelanganyi yonsu ya bena Izrayele neikale imba anu musambu ewu. Meme ndi mumanye meji adi bena Izrayele nawu mpindiewu, tshiyi muanji kubafikisha mu ditunga dimvua mubalaye.

Balombodi 16:2

Bena tshimenga atshi kumanya muvua Shimeshone mu nzubu mua mukaji awu. Nanku kunyungululabu nzubu. Kumualaminabu butuku bujima ku tshiibi tshia tshimenga. Kadi kabena bamuenzele bualu butuku abu to. Bivua bela meji ne: netumushipe amu dinda.

1 Samuele 23:23

Nujadike miaba yonsu idiye mua kunyemena. Pashishe, nupingane kundi, nuenu bamane kujadika bionsu ebi bimpe. Nanku netuye nenu. Pikalaye mu ditunga adi, nemmukuate, nansha bu meme ne bua kumukeba miaba yonsu mu buloba bua bena Yuda.

1 Samuele 23:7

Shawule kumvua lumu ne: Davide mmumane kubuela mu tshimenga tshia Keyila, kuambaye ne: — Mvidi Mukulu wafidi Davide mu bianza bianyi, bualu Davide padiye mubuele mu tshimenga tshidi ne biibi bikole, mmubuele mu buteyi.