Dielulula 25:9 - MUKANDA WA MYIDI MUKULU

⁹ Nanku mukaji neasemene kudi mulume awu, bakulu bonsu batangile, amukopole tshisabata, amufuile mate mu mesu, wamba ne: “Muntu yonsu udi ubenga bua kusangula diku dia muanabu, nebamuenzele anu mushindu ewu.”

Mukanda wa Nzambi Dihungila Dikulukulu ne Dihungila Dihia-dihia 2003

⁹ hashishe mukashi wa muanʼabo nealue kudiye ku mesu kua bakulu, neambulule tshisabata ku dikasa diandi, neamutuile lute ku mesu; neamuambile ne, Nebenzele mulume nunku udi uhidia kudiundisha nsubu wa muanʼabo mulume.

Dielulula 25:9 Խաչաձեւ Հղումներ

Yobe 30:10

Badi bantshina, bansesuka, banjebula. Badi bangela mata mu mesu kabayi bundu.

Yeshaya 20:2

Bidimu bisatu kumpala kua dikuata dia tshimenga atshi, Maweja-Nangila kuambila Yeshaya, muana wa Amose, ne: “Vula bilamba bia madilu biudi nabi pambidi, ne bisabata biudi nabi ku makasa ebe.” Yeshaya kuenza nanku. Ukavua wendakana, kayi tshilamba nansha bisabata. Nanku, mu tshikondu tshivuabu bakuate tshimenga tshia Asdode, Maweja-Nangila kuambila muambi Yeshaya bivuaye ne bua kumanyisha bantu ne:

Yeshaya 50:6

Ndi ntuma nyima wanyi kudi bantu badi bantuuta. Ndi ndeja mbanga yanyi kudi bantu badi bantula muedi. Tshiena mbuikila mpala wanyi, padibu bantuila mate, bampenda.

Dibadika 12:14

Maweja-Nangila kuambila Moshe ne: — Bu tatuende mumutuile mate mu mesu, kavua mua kufua bundu lumingu lujima anyi? Nanku numupatule mu mitanda bua lumingu lujima kabidi. Pashishe, neapingane kabidi munkatshi muenu.

Matayi 26:67

Pashishe bamue kumufuila mate mu mpala, kumututa bisusu. Bakuabu kumukuma mapi,

Matayi 27:30

Bavua bamutuila mate, bangata dilenga, bamufuta nadi ku mutu.

Marke 1:7

Uvua umanyisha bantu bavule ne: — Kudi muntu udi undonda meme mu nyima, udi mumpite ku muanzu. Tshiena nansha mukumbane mua kuinama, bua kusulula nshinga ya bisabata biende.

Marke 10:34

Bobu abu nebamuseke, nebamutuile mate pambidi, nebamutuute mikaba, nebamushipe. Kunyima kua matuku asatu, neabiike ku lufu.

Yowanane 1:27

Udi ulua panyima panyi. Kadi tshiena nansha muakanyine kusulula nshinga ya bisabata biende.

Dielulula 25:10

Biangatshile dituku adi, nebabikile diku dia muntu awu ne: “Diku edi ndia muntu uvuabu bakopole tshisabata.”

Dielulula 25:8

Nenku bakulu ba mu tshimenga atshi nebabikile mulume awu, bua abajadikile mudiye ubenga kupiana mukaji wa mufue.

Rute 4:6

Muanabu umvua nanku, kubengaye wamba ne: — Tshiena mua kusumba budimi abu, ne kupiana mukaji wa mufue to, bualu nemvue kupanga mua kuabanya bia bumpianyi munkatshi mua bana banyi ne ba mufue. Wewe jikija malu onsu pa mutu panyi meme.

1 Samuele 2:30

Bu muudi wenza nanku, teleja tshindi nkuambila, meme Maweja-Nangila Mvidi Mukulu wa bena Izrayele: Mvua mulaya bena nzubu webe ne bena diku diebe, bua bikale batuangaji banyi kashidi. Kadi mpindiewu, ndi nkujadikila ne: kabitshiena nanku to. Meme ndi nnemeka amu bantu badi bannemeka meme. Kadi bantu badi bampepeja, meme nembapepeje.