Dibadika 28:10 - MUKANDA WA MYIDI MUKULU

¹⁰ Nanku dituku dia Dikisha dionsu nundambule mulambu wa kuosha ewu, pamue ne mulambu wa nyama ne wa mvinyo wa ku dituku ku dituku.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ eu udi mulambu wa kuosha ha kahia ku matuku a Lumingu, ku mutu kua mulambu udibo bafila buatshia-buatshia.

Dibadika 28:10 Խաչաձեւ Հղումներ

2 Kulondolola 2:4

Nanku, nzubu wa Mvidi Mukulu undi ngasa neikale munene, wa lumu, bualu Mvidi Mukulu wetu mmupite mvidie yonsu ku bunene.

2 Kulondolola 8:13

Bilondeshile mikenji ivua Moshe mumane kujadika bua dituku dionsu dia bualu, Shelomu uvua ulambula milambu dituku dia Dikisha, dituku dia kumpala dia ngondu, ne mu bibilu bisatu binene bia ku tshidimu: Dituku dia Mampa kaayi mela buanga, dia Dinowa biakudia, ne dia tuzubu tua Bisasa.

Yeshaya 1:13

Kanuena mua kundambula kabidi milambu. Kayena indengelela to. Muinshi wa milambu yenu, ndi muubenge kashidi. Lekelayi masanka enu a ngondu mipiamipia, a matuku a Dikisha ne a bibilu binene. Tshiena muanyishe ditendelela didi ne buenzayi, dinudi nuntendelela, nuenza kabidi bubi.

Dibadika 28:23

Ke milambu inudi nusakidila ku milambu ya kuosha inudi nundambula dituku dionsu.

Dibadika 28:3

“Dituku dionsu nungoshile bana ba mikoku babidi ba tshidimu tshimue, kabayi ne bulema pambidi. Matuku onsu nenundambule milambu ya kuosha ayi mu bujima buayi.

Dibadika 28:9

“Dituku dia Dikisha, nundambule bana ba mikoku babidi, badi bamane kukumbaja tshidimu tshimue, kabayi bulema pambidi to. Nusakidile kabidi kilo isambombu ya bukula, busambakaja ne mafuta, kabidi ne maluvu a mvinyo.

Dibadika 29:11

Pashishe, nundambule kabidi mbuji wa mpumbu, bua mulambu wa kunukobolola nawu. Milambu yonsu eyi, nuyilambule pamue ne mulambu wa kunukobolola nawu wa dituku adi, kabidi ne mulambu wa kuosha wa ku dituku dionsu, kabidi ne mulambu wa bukula ne wa maluvu a mvinyo. Bualu ke dituku dinene dia kukobolola bantu.

Dibadika 29:16

Pashishe, nundambule kabidi mbuji wa mpumbu, bua mulambu wa kunukobolola nawu. Milambu yonsu eyi, nuyilambule pamue ne mulambu wa ku dituku dionsu, ne milambu ya bukula, ne ya maluvu a mvinyo.

Dibadika 29:6

Nuenu bamane kungoshila milambu ya dituku dionsu, ne ya dituku dia kumpala kua ngondu, pamue ne milambu ya tshibidilu ya bukula ne ya maluvu a mvinyo, nenundambule kabidi milambu yonsu eyi, bua dipembu dimpe dia milambu ya kuosha eyi dinsankishe.