Danyele 7:22 - MUKANDA WA MYIDI MUKULU

²² Kadi muntu kufika, kuhingisha tshisamba tshia tshijila tshia Mvidi Mukulu, Muena kulu. Pakakumbana diba, tshisamba tshia tshijila kudiatshi bukalenga.

Mukanda wa Nzambi Dihungila Dikulukulu ne Dihungila Dihia-dihia 2003

²² tô ne hakalua Wa Kale wa Matuku a Bungi. Mu tshilumbuluidi yeye wakabingisha bansanto ba Mutambe Bunene wa mu diulu hakalua tshikondo tshia bansanto kudiabo bukelenge.

Danyele 7:22 Խաչաձեւ Հղումներ

Danyele 7:18

Kunyima kuabu tshisamba tshia tshijila tshia Mvidi Mukulu, Muena kulu, netshiangate bukalenga. Netshibulame kashidi.’

Didimanyisha 20:4

Pashishe meme kumona nkuasa ya butumbi. Bavua basombamu, bavua bapete bumfumu bua kulumbuluisha bantu. Meme kumona kabidi bantu bavuabu bashipe, bualu bavua bajadike malu malelela avua Yezu mumanyishe, bajadike ne muaku wa Mvidi Mukulu. Bantu aba kabavua bakukuile nyama, nansha tshimfuanyi tshiende. Kabavua babatue tshitampi tshia nyama pa mpala, nansha pa tshianza to. Kufululukabu, kudiabu bukalenga pamue ne Kristu bidimu tshinunu.

Didimanyisha 5:10

Wewe kubateka bakalenga ne batuangaji, bua benzele Mvidi Mukulu wetu mudimu. Nebadie bumfumu pa buloba bujima.”

Didimanyisha 3:21

Badi batshimuna, nenganyishe bua basombe pabuipi nanyi mu nkuasa wanyi wa butumbi, bu mumvua meme mutshimune, nsomba pabuipi ne Tatu wanyi mu nkuasa wende wa butumbi.

2 Tesalonike 2:8

Diba adi Muena bubi neamueneke. Kadi Mfumu Yezu neamushipe ku mueyelu wa mukana muende. Neamubutule amu ku bukenke bua difika diende.

Matayi 19:28

Yezu kubambila ne: — Ndi nnujadikila bulelela ne: pasomba Muana wa muntu mu nkuasa wende wa lumu mu buloba bupiabupia, nuenu bavua bandonde, nenusombe penu mu nkuasa dikumi ne ibidi, bua kulumbuluisha bisamba dikumi ne bibidi bia bena Izrayele.

Didimanyisha 1:6

mMutuenze bakalenga ne batuangaji, bua tukuatshile Tatuende Mvidi Mukulu mudimu. Yezu Kristu udi ne butumbi, kabidi ne bukole, mu nkama ne nkama ya bidimu! Amene.

Yeshaya 63:4

Mvua ne dijinga munda muanyi dia kusombuela bantu banyi lelu. Bualu tshikondu tshia kupikula bantu banyi tshiakumbanyi.

Danyele 7:23

“Yeye kungumvuija kabidi nenku: ‘Nyama muinayi udi bukalenga buinayi bua pa buloba, bushilangane ne makalenga makuabu onsu. Bukalenga ebu nebubutule buloba bujima. Nebubudiatakaje mu makasa, bubusunsula.

Misambu 149:5

Bantu badi balamata Maweja-Nangila, basanke, batumbishe Mvidi Mukulu! Bele mbila ya disanka nansha butuku!