Abakuke 3:10 - MUKANDA WA MYIDI MUKULU

¹⁰ Padi mikuna ikumona, idi izakala. Mvula udi uloka bikole, wenza nkoka pa buloba. Mayi manene adi ela tshiona bikole, mavuala abanda mulu bu mikuna.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Mikuna yakakumona, yakadi ne didinyenga; matutu akalokeshisha nvula; ndondo wa mai wakela dî diandi, wakabandisha bianza biandi mulu.

Abakuke 3:10 Խաչաձեւ Հղումներ

Nehemya 9:11

Uvua nuukosolole mayi manene, bena Izrayele batangile. Bobu kusabuka ku makasa kuume. Kadi bonsu bavua babalonda, Wewe kubela mu mayi. Bobu kudinabu bu dibue diela mu mayi mondoke.

Misambu 104:32

Paudi utangila buloba, budi buzakala, paudi utua mikuna munu, idi ifuima muinshi.

Misambu 148:7

Nuenu bonsu badi pa buloba, nuenu mayi manene ne bidika bidimu, numutumbishe,

Misambu 18:15

Kuasaye miketa, utangalaja baluishi banyi, kupenyaye bu muela wa mvula, ubapapula.

Misambu 65:13

Mpata yonsu idi isanguluka, mu mikuna yonsu tudi tumvua amu mbila ya disanka.

Misambu 66:6

Uvua mupandile bantu njila mu mayi manene. Bantu kusabuka musulu ku makasa. Tusanke, tukatshile malu ende a dikema.

Misambu 93:3

Kale mayi manene malabale avua ela mikunda, avua ela mikunda ya tshiji. Adi mua kuela mikunda kashidi!

Yeshaya 43:20

Nyama ya muitu, mibuabua ne kasonga-nyunyi, neinganyishe bikole, bua pandi mupatule mayi mu tshipela, ne misulu miaba miume. Bualu ndi musue kupesha bantu, bandi musungule, mayi a kunua.

Yeshaya 55:12

Nenupatuke mu Babilone, nusanke. Nebanupingaje kuenu mu bupole. Diba adi mikuna minene ne mikese, neyele mbila ya disanka. Mitshi yonsu ya mu mpata neituute bikashi kumpa la kuenu.

Yirmeya 4:24

Ndi mmona mikuna minene yupuka, mikuna mikese izakala.

Mika 1:4

Padiye upita, mikuna idi ilandakana, bibandabanda bidi bipanduluka, mudi mafuta enguluka ku kapia, mudi mayi apulumuka pa kakuna.

Nahume 1:5

Mikuna minene idi ikanka kumpala kuende, mikuna mikese idi itenkakana. Padi Mvidi Mukulu umueneka, buloba ne bonsu badi basombapu bidi bizakala.

Abakuke 3:6

Padiye utuluka panshi, buloba budi bunyungakana. Padiye ukenzakana, bisamba bia bantu bidi bizakala. Mikuna minene ne mikese, ya kale ne kale, idi yupuka, isenguluka. Kuonsu kuvuaye upitshila kuvua anu nanku.

Matayi 27:51

Diba adi, tshilamba tshiyuabu balembeleje mu nzubu wa Mvidi Mukulu kupandikatshi kulu ne panshi bitupa bibidi. Buloba kuzakala, mbuebue kuela mitanta,

Matayi 8:24

Diakamue tshipepele tshikole kujuka mu dijiba, mavuala kubuikila buatu, kuwulabu mayi tente. Kadi Yezu uvua amu mulale.

Ebrewu 11:29

Amu bua ditaba diabu, bena Izrayele kusabuka Mayi manene makunze bu mudibu benda mu buloba buume. Kadi pavua bena Ejipitu batete mua kusabuka, kudinabu mu mayi.

Yoshua 4:18

Batuangaji kuitaba. Amu bobu bamane kumuka mu mayi, bafike ku muelelu, musulu kupingana muawu mua kale, kuwula tente too ne ku bibungubungu.

Didimanyisha 16:12

Mutumibue muisambombu kuitshikija dikopu diende pa musulu munene wa Perate. Musulu kuuma, bua bakalenga badi batumina luseke ludi diba dipatukila bapete muaba wa kusabukila.

Didimanyisha 20:11

Pashishe meme kumona nkuasa munene mutoke wa butumbi, ne uvua musombepu. Buloba ne diulu bivua bimunyema lubilu, bijimina kashidi.

Didimanyisha 6:14

Diulu kujimina, bu mudi mateta ajimina, padibu bavunga mukanda. Mikuna ne bidiila bionsu kutentamuka miaba yabi.