Abakuke 1:11 - MUKANDA WA MYIDI MUKULU

¹¹ Badi bafika lubilu bu mvunde, bakudimuka, baya. Bukole buabu ke nwidie wabu!

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hashishe, badi bahita mu nshila bu luhehele, badi baya ku mpala benza malu mabi, badi bavuisha bukole buabo bu nzambi wabo mene.

Abakuke 1:11 Խաչաձեւ Հղումներ

Yobe 12:6

Bena tshikisu badi basomba kabayi bapampakana. Badi bajula tshiji tshia Mvidi Mukulu badi ne ditalala. Bukole buabu ke wabu mvidie, kabena bamanye mvidie mukuabu.

Yeshaya 10:13

Udi wamba ne: “Ndi muenze bionsu amu ku bukole buanyi. Meme ndi mumanye malu, ndi muena budimu bupite. Ndi mushipe mikalu idi munkatshi mua matunga. Meme kupawula bintu bivuabu balamina mu mayeba. Meme kuipata ne bakalenga mu nkuasa yabu ya bumfumu.

Yirmeya 2:3

Wewe Izrayele, uvua wanyi meme nkayanyi, bu biakudia bia tshianyi bidibu banowa. Bantu bonsu bavua bakuluisha meme kubakengesha. Diakamue kupetabu diakabi. Meme Maweja-Nangila, ndi njadika nanku.

Yirmeya 9:22

Maweja-Nangila udi wamba ne: “Muntu udi ne meji, kaditambishi bua meji ende to! Muntu udi ne bukole, kaditambishi bua bukole buende to! Muntu mubanji, kaditambishi bua bubanji buende to!

Danyele 4:27

Mukalenga kuela lubila ne: — Ewu mBabilone, tshimenga tshinene tshimvua muibake, bua tshikale muaba wa mukalenga kusomba. Tshimenga etshi tshidi tshileja mudi bukole buanyi, ne mudi lumu lua bukalenga buanyi!

Danyele 5:20

Kadi tatuebe kuditambisha, kuwula tente ne kapetu. Nanku bakamumbusha mu nkuasa wende wa bukalenga, kumunyenga ne lumu luvuaye nalu.

Abakuke 1:16

Badi balambula makondu abu milambu, bawoshila musenga wa kamonya, mudibu benzela mvidie. Bualu ke adi abadisha, abanemesha.