2 Samuele 22:34 - MUKANDA WA MYIDI MUKULU

³⁴ Udi upepeja makasa anyi, nnyema bu kabuluku, ngimana pa mikuna mitumbuke.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Yeye udi uvuisha makasa anyi bu makasa a ngulungu; udi unshikika ha miaba yanyi mibanda.

2 Samuele 22:34 Խաչաձեւ Հղումներ

2 Samuele 2:18

Bana ba Seruya basatu bavua mu mvita amu, Yowabe, Abishayi ne Ashayele. Ashayele uvua mupepele, unyema lubilu bu nyama wa kabuluku.

2 Samuele 23:1

Ke meyi a Davide a ndekelu aa: Telejayi meyi a Davide, muana wa Ishayi, meyi a muntu uvua Mvidi Mukulu muteke muaba wa butumbi, uvua Mvidi Mukulu wa Yakobe musungule bua kuikalaye mukalenga, uvua bena Izrayele bimbila misambu, basamba.

Yeshaya 33:16

Muntu awu neasombe talalaa, bu muntu musokome kulu pa mikuna, bu udi unyemena mu mbuebue mikole. Neapetemu tshiakudia, kakupanga mayi a kunua.

Yeshaya 58:14

nenku meme nengikale mpokolu wa disanka dienu. Meme Maweja-Nangila nennutumbishe ku mutu kua bionsu. Nennusombeshe talalaa, mu ditunga divua nkambua wenu Yakobe mupete bu bumpianyi. Meme Maweja-Nangila ndi ndaya nanku.”

Abakuke 3:19

Maweja-Nangila Mvidi Mukulu udi bukole buanyi: udi upepeja makasa anyi bu mikonu ya ngulungu, ungendesha pa mikuna mile. Wa mu mukanda wa mulombodi wa bena misambu. Wa kuimba ne nzenze.

Dielulula 32:13

Maweja-Nangila mmubapeshe ditunga dia mikuna, mubadishe ne biakudia bia mu madimi, mubapatule buitshi mu lubuebue. Mmumeneshe mitshi ya olive mu buloba bua mabue.

Dielulula 33:25

Tshiibi tshia mu tshimenga tshia bena Ashere, nebatshikange ne milonda ya tshiamu tshikunze. Bena Ashere badi basombamu bimpe, ne bukolematuku onsu atshidibu ne muoyi panu.”