2 Samuele 22:28 - MUKANDA WA MYIDI MUKULU

²⁸ Udi wambuluisha tshisamba tshidibu bafuisha bundu, upepeja badi baditambisha.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Wewe neusungile bantu badi mu dikenga; kadi mesu ebe adi kudi badi badisue anu bua wewe kubahuekesha.

2 Samuele 22:28 Խաչաձեւ Հղումներ

Misambu 12:5

“Tudi bamanye mua kuakula, bua tupete bionsu bitudi tujinga. Netuambe bionsu bitudi basue, katuyi tutshina muntu.”

Misambu 131:1

Musambu wa bena ngendu udi mu mukanda wa misambu ya Davide. Maweja-Nangila, tshiena ne ditambisha, mesu anyi ki nga muena ditambisha. Tshiena nkeba butumbi, nansha malu adi mampite.

Misambu 138:6

Maweja-Nangila udi mulu mu diulu kadi udi umona bapuekele, umanya bena ditambisha pa bule.”

Misambu 140:12

Muntu udi utumpilangana malu kashadi ne muoyi mu ditunga. Diakabi dilonde muntu wa tshikisu, kadimulekedi.

Ekesode 10:3

Moshe ne Arone kuya kudi mukalenga wa bena Ejipitu, kumuambila ne: — Maweja-Nangila Mvidi Mukulu wa bena Ebrewu, udi wamba ne: “Mbimpe udipuekeshe kumpala kuanyi. Ulekele bantu banyi bena Izrayele baye kuntendelela.

Ekesode 18:11

Mpindiewu ndi njadika ne: Maweja-Nangila mmupite mvidie yonsu idi bantu batendelela. Mmudileje nanku diba divua bena Ejipitu bakengeshe bena Izrayele bikole.

Nsumuinu 21:4

Mpala wa kapeja ne muoyi wa ditambisha ke bidi bileja bubi bua muena lonji.

Yeshaya 2:17

Muntu muena ditambisha neinyike mpala panshi, muena kapeja neadie buloba. Dituku adi, nebamanye ne: amu Maweja-Nangila nkayende udi ne bukole.

Yeshaya 37:23

Uuvua upenda nnganyi? Uuvua ujana ne dikamakama nnganyi? Wewe mutshimbakane, uuvua mutangile ne kapeja nnganyi? Uvua usendeka amu meme, Mvidi Mukulu wa tshijila wa bena Izrayele!

Yeshaya 5:15

Nanku bantu bonsu nebiname badia buloba. Nansha muntu muena ditambisha, neinyike mesu panshi.

Yeshaya 63:9

Mu makenga abu onsu, kena mutume muntu mukuabu bua kubambuluisha. Kadi uvua mubasungidile amu yeye mene. Yeye uvua muangate bualu buabu ne manza abidi, bualu uvua mubanange, ubumvuila luse. Yeye ke uvua mudiangatshile malu abu, mubambule mu maboku ende, ku tshikondu ne ku tshikondu.

Matayi 5:3

— Bantu badi batekemena amu kudi Mvidi Mukulu, ke bena diakalenga, bualu nebikale nende mu Bukalenga bua mu diulu!

Luke 14:11

Bualu muntu yonsu udi uditambisha, nebamufuishe bundu. Muntu yonsu udi udipuekesha, neapete lumu.