2 Samuele 20:7 - MUKANDA WA MYIDI MUKULU

⁷ Nanku bena mvita bavua Yowabe ulombola, ne bena Kereti ne bena Peleti, bavua balama mukalenga Davide, mmumue ne: bena mvita bonsu bavua bamanye mvita bikole, kuyabu ne Abishayi mu mvita, kumukabu mu Yerushalayime, benda balondakaja Sheba.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bantu ba Yoaba ne Bena Kelete ne Bena Pelete ne bena bukitu bonso bakamulonda; bakumuka mu Yelushalema bua kulonda Sheba, muana wa Bikili.

2 Samuele 20:7 Խաչաձեւ Հղումներ

2 Samuele 15:18

Bena mudimu ba mukalenga Davide bonsu, kutuadija kuenda kumpala kua mukalenga: bena Kereti ne bena Peleti, bena mvita bavua balame mukalenga; pashishe bena mvita nkama isambombu ba bena Ngate bavua ku luseke lua mukalenga Davide. Bonsu kuendabu kumpala kua mukalenga Davide bua abamone.

2 Samuele 20:23

Yowabe uvua mfumu wa bena mvita bonsu ba bena Izrayele. Benaya, muana wa Yoyada, uvua ulombola bena Kreti ne bena Peleti, bavua balame mukalenga Davide.

2 Samuele 8:16

Yowabe, muana wa Seruya, uvua mfumu mulombodi wa bena mvita ba Davide. Yosafate, muana wa Akilude, uvua umanyisha bantu malu a mu bukalenga.

2 Samuele 8:18

Benaya, muana wa Yoyada, uvua mulombodi wa bena Kireti, ne bena Peleti, bena mvita bavua balame mukalenga Davide. Bana ba Davide bavua batuangaji kabidi.

1 Bakalenga 1:33

kubatuminaye diyi ne: — Nubikile bena mvita bonsu batshidi bangitaba. Nubandishe muananyi Shelomu pa nyama wa mpunde wa bukalenga. Nuye nende ku mpokolu wa ku Ngikone.

1 Bakalenga 1:38

Mutuangaji Sadoke, muambi Natane, Benaya, muana wa Yoyada, bena Kreti ne bena Peleti bavua balame mukalenga Davide, kuya kudi Shelomu. Kumubandishabu pa nyama wa mpunde wa mukalenga Davide wa bukalenga, kuya nende ku mpokolu wa ku Ngikone.

1 Bakalenga 1:44

Davide mmutume diyi kudi mutuangaji Sadoke, kudi muambi Natane, kudi Benaya, muana wa Yoyada, ne kudi bena Kreti ne bena Peleti badi bamulame, bua baye ne Shelomu. Bantu abu, bavua babandishe Shelomu pa nyama wa mpunde wa bukalenga.

1 Samuele 30:14

Bangabanga tuvua baluishe bantu badi basombe kuinshi mu ditunga, mu buloba bua bena Kereti, bua bena Yuda ne bua bena Kalebe. Pashishe tuetu kuosha tshimenga tshia Siklaje.