2 Samuele 1:21 - MUKANDA WA MYIDI MUKULU

²¹ Ku mikuna ya Ngilbowa, lumuma nansha mvula kabiloki! Mu bibandabanda biayi, kamuikadi biakudia mu madimi! Bualu ke muaba uvuabu bimanshe ngabu ya bena mvita ngabu wa Shawule udibu kabayi mua kufita kabidi manyi.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Nuenu, mikuna ya Gileboa, mume ne nvula kabinumatshidi, madimi kikadi ne bia kudia. Bualu bua bakimashaku ngabu wa muena bukitu, ngabu wa Shaula mene, bu muntu wakadi kayi ne manyi mela ha mutu.

2 Samuele 1:21 Խաչաձեւ Հղումներ

1 Kulondolola 10:1

Dinga dituku, bena Peleshete kubunda bena Izrayele pa mukuna wa Ngilbowa, Bena Izrayele kunyema, bakuabu kufua ba bungi.

1 Kulondolola 10:8

Butshia dinda, bena Peleshete kuya bua kuangula bintu bia bantu bafue. Kusanganabu tshitalu tshia Shawule ne bia bana bende ba balume pa mukuna wa Ngilbowa.

Musambu wa Solomo 4:4

Nshingu webe udi mule muenze tshijengu bu kaleya ka Davide, kadibu balembeleje ngabu tshinunu, ngabu ya tshijengu ya bilobu bia mvita.

Yeshaya 21:5

Badi balongolola mesa bua kudia, badija biata, badia, banua… Diakamue badi bela lubila lukole ne: “Balombodi ba bena mvita, jukayi, kuatayi bia mvita, tuyayi!”

Yeshaya 5:6

Nebushale lububa: muntu nansha umue kena mua kusolela budimi abu, muntu kena mua kubuipidila kabidi Meba ne mingonga nebitolokemu. Nenkandike mavuba, bua mvula kalokedi kabidi mu budimi ebu.”

Yezekiyele 31:15

“Meme Maweja-Nangila ndi ngamba ne: Dituku divua mutshi wa sedre muye mu dijimba dia bafue, meme kuenzeja madilu bua mutshi awu. Bualu bua mutshi awu, meme kuimanyika mayi a musulu wa muinshi mua buloba, ne a tusulu tuonsu. Bualu bua mutshi awu, ndi mutume midima pa mikuna ya Lebanone, mumishe mitshi yonsu ya mu mpata.

Yowele 1:9

Batuangaji badi benzela Maweja-Nangila mudimu, badi badila, bualu bantu kabatshiena bafika mu nzubu wa Mvidi Mukulu, ne milambu ya ntete, nansha ya maluvu.

Yowele 2:14

Misangu mikuabu udi mua kushintulula meji adiye nawu, kunusankisha pa mutu pa kunukengesha. Diba adi, nudi mua kumutuadila milambu, ya ntete, ne ya maluvu.

Balombodi 5:23

Nutshipe tshimenga tshia Meroze, ke mudi mutumibue wa Maweja-Nangila wamba. Nutshipe tshimenga atshi, nutshipe ne benatshi, bualu kabena bambuluisha Maweja-Nangila to, kabena baluangana mvita pamue ne bilobu biende to.

1 Samuele 10:1

Ke Samuwele kuambula kalangi ka mafuta kavuaye naku. Kuelaye Shawule mafuta awu pa mutu. Pashishe kumupukilaye, umuambila ne: — Maweja-Nangila nkayende ke udi mukujidila bua wikale mukalenga wa tshisamba tshiende.

1 Samuele 31:1

Bena Peleshete kuluisha bena Izrayele pa mukuna wa Ngilbowa. Kushipabu bena Izrayele ba bungi, bakuabu kunyema.

1 Samuele 31:8

Butshia dinda, bena Peleshete kuya bua kuangula bintu bia bantu bavua bafue. Kusanganabu tshitalu tshia Shawule ne bia bana bende basatu pa mukuna wa Ngilbowa.