2 Korente 3:16 - MUKANDA WA MYIDI MUKULU

¹⁶ Kadi Mukanda wa tshijila udi wamba ne: “Padi muntu umonangana ne Maweja-Nangila, badi bumusha tshilamba.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kadi biakudimuka mitshima yabo kudi Mukelenge, tshilulu tshikudika tshidi tshiumushibua.

2 Korente 3:16 Խաչաձեւ Հղումներ

Ekesode 34:34

Nenku misangu yonsu ivua Moshe ubuela mu ntenta wa kusambakena bua kuyukila ne Maweja-Nangila, uvua usulula tshilamba tshivua pa mpala atshi too ne papinganaye kudi bena Izrayele bua kubambila bivuabu bayukile ne Maweja-Nangila.

Yeshaya 25:7

Pa mukuna ewu, Maweja-Nangila neakandike tshilamba tshia madilu, tshivua bantu bavuale. Neumushe tshilamba tshivua tshileja dibungama, tshivua bukua matunga budibuikile natshi.

Yeshaya 29:18

Dituku adi, badi ne mapapa, nebumvue bidibu babala mu mukanda. Bampofu badi bapatuka mu miidima, nebamone bimpe.

Yeshaya 54:13

Bana bebe bonsu nembalongeshe meyi anyi. Nebasombe mu bupole.

Yirmeya 31:34

Maweja-Nangila udi wamba ne: muntu nansha umue kakulomba balunda bende, nansha bana babu, bua bamulongeshe bua ammanye. Bualu bonsu, bakulumpe ne bana, nebammanye. Nembafuile luse bua mibi yabu. Tshiakuvuluka kabidi bilema biabu.

Muadi 3:40

Tudikonkayi menemene bua nsombelu wetu, tupinganayi kudi Maweja-Nangila.

Rome 11:23

Pikala bena Yuda balekela kubenga Mvidi Mukulu, nebabalamike tshiakabidi ku mutshi muaba uvuabu kale. Bualu Mvidi Mukulu udi ne bukole bua kubalamika tshiakabidi ku mutshi.

2 Korente 3:15

Lelu utudi ewu kabidi, misangu yonsu idibu babala mikanda ya Moshe, tshilamba tshidi tshibuikila lungenyi luabu.

Dielulula 30:10

Bionsu ebi nebinuenzekele panudi nuitaba Maweja-Nangila, nukumbaja mikenji yende, idi mu mukanda ewu, nupingana kudiye muenu muonsu, kabidi ne muoyi mujima.

Dielulula 4:30

Pikala malu onsu andi mmuambile manuenzekele, nuenu babuele mu dikenga, nenupingane kudi Maweja-Nangila Mvidi Mukulu wenu, bua kumutumikila.