2 Bakalenga 6:11 - MUKANDA WA MYIDI MUKULU

¹¹ Bu muvua mukalenga wa bena Izrayele mudianjile kumanya tshifufu tshionsu tshia mukalenga wa bena Siriya, bualu ebu kutonda mukalenga wa bena Siriya bikole bitambe. Nanku mukalenga wa bena Siriya kubikidisha balombodi ba bena mvita bende, ubakonka ne: — Munkatshi muetu mudi muntu udi uya kuambila bena Izrayele malu. Kanuena basue kungambila dina dia muntu awu bua tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mutshima wa mukelenge wa Sulia wakatamba kunyingalala bua bualu ebu; wakabikila bantu bandi, wakabebesha ne, Kanuena bandesha ne, Nganyi wa munkatshi muetu udi ku luseke lua mukelenge wa Isalele, anyi?

2 Bakalenga 6:11 Խաչաձեւ Հղումներ

2 Bakalenga 6:10

Nanku mukalenga wa bena Izrayele uvua mua kutuma bena mvita bua batentekele muaba awu. Misangu yonsu ivua bena mvita ba bena Siriya badilongolola bua kuluisha bena Izrayele, muambi Elisha uvua anu umanyisha mukalenga wa bena Izrayele. Nanku mukalenga wa bena Izrayele uvua anu mudimuke.

2 Bakalenga 6:12

Mulombodi mukuabu wa bena mvita kumuandamuna ne: — Mukalenga, munkatshi muetu kamuena muntu udi uya kuamba malu to! Kadi muambi Elisha udi mu Izrayele, udi umanyisha mukalenga wende wa bena Izrayele malu onsu, too ne audi wakula mu tshibambalu tshiebe tshia bulalu.

1 Samuele 22:8

Kadi, nuenu bonsu nudi bangelela meji mabi bua tshinyi? Muntu nansha umue kena mummanyisheku ne: muananyi Yonatane mmutue ndondu wa bulunda ne Davide. Muntu nansha umue wa kunudi kena mummanyishe mudi muananyi Yonatane usonsola Davide bua antekele buteyi, bu mudiye muenze lelu!

1 Samuele 28:21

Mukaji muena lubuku kusemena pabuipi ne Shawule, kumona ne Shawule, uvua ne bowa bua bungi. Nanku mukaji kuambila Shawule ne: — Mukalenga Shawule, meme ndi muitabe diyi diebe. Ndi mubuele mu njiwu ya lufu bua kukumbaja tshiuvua mundombe.