2 Bakalenga 5:17 - MUKANDA WA MYIDI MUKULU

¹⁷ Namane kumuambila kabidi ne: — Bu muudi ubenga bionsu bindi mukutuadile, anyisha ngambule buloba bua mu ditunga diebe, bukumbane mua kuambulabu kudi nyama ibidi ya mpunde. Bualu tshitshiena musue kulambula mvidie mikuabu milambu ya diosha nansha ya bobumue to, anu Mvidi Mukulu wa bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nâmana wakamba ne, Biwabenga, ndi nkusengelela ne, Bahe muntu webe maloba bu majitu adi mpunda ibidi mua kuambula; bualu bua muntu webe kena ufila mulambu kudi nzambi mukuabo, anu kudi Yehowa.

2 Bakalenga 5:17 Խաչաձեւ Հղումներ

2 Bakalenga 5:12

Abana ne Parpare, misulu ya mu Damase, kayena mipite misulu ya mu ditunga dia bena Izrayele anyi? Meme mowe mayi mu misulu yetu ayi, disama dianyi kadiena mua kujika anyi? Nanku Namane kupingana, mufike munda.

2 Bakalenga 5:18

Kadi ndi ndianza kulomba Maweja-Nangila bua amfuile luse, bualu padi mfumuanyi, mukalenga wa bena Siriya, ubuela mu nzubu wa mvidie wende Rimone bua kutendelela, ndi ne bua kuinama panshi musangu umue nende, bualu utu unshindamena pa dikaya. Nanku Maweja-Nangila amfuile luse pandi ngenza mushindu awu.

Ekesode 20:24

Kadi nungenzele tshilambuilu tshibaka ne buloba. Pa mutu patshi nundambuilepu milambu ya kuosha ne ya ditua ndondu, nusungula munkatshi mua ngombe, mbuji ne mikoku yenu. Miaba yonsu indi mumuambile bua nuenu kuntendelela, nengikale munkatshi muenu bua kunuela lupemba.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Rome 14:1

Nuakidile bimpe udi mutekete mu ditaba. Kanuedianganyi nende mpata, bua kupetula meji ende.

1 Tesalonike 1:9

Bonsu badi balonda munuvua batuakidile bimpe patuvua bafike kuenu, munuvua babenge mvidie, bapingane kudi Mvidi Mukulu wa muoyi ne mulelela, bua kumukuatshila mudimu.

1 Petro 4:3

Bualu ku kale nuvua bajimije meba mapite bungi, nuenza malu adi bantu badi kabayi bamanye Mvidi Mukulu basue kuenza. Nuvua bende mu njila mibi, balonde majinga mabi, bakuatshike maluvu, badie budiavi, banue bunuavi, batendelele mvidie mibi ya patupu.