2 Bakalenga 23:4 - MUKANDA WA MYIDI MUKULU

⁴ Pashishe, mukalenga Yoshiya kuambila Ilkiya, mutuangaji munene, ne batuangaji bakuabu bavuaye nabu, ne batuangaji bavua balame ku mushiku wa nzubu wa Mvidi Mukulu, bua kumushabu mu muaba wa tshijila bintu bionsu bia kutendelela nabi mvidie Baale, mvidie mukaji Ashera, ne bintu bionsu bia mu tshibuashibuashi. Kumukabu ne bintu abi mu Yerushalayime. Kuyabu kubioshila mu tshibandabanda tshia Sedrone. Pashishe, kuyabu ne butu bua bintu abi mu tshimenga tshia Betele.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mukelenge wakela dî kudi Hilekiya, muakuidi munene, ne kudi bakuidi ba mu mulongo muibidi ne kudi balami ba nsubu bua bobo bumushe malonga onso a Bâla ne a Bashela ne a kutendelela nʼau misumba yonso ya mu diulu mu nsubu wa Yehowa; wakayosha ku mpenge kua Yelushalema mu madimi a ku Kidelona; bakaya ne butue buabi ku Betele.

2 Bakalenga 23:4 Խաչաձեւ Հղումներ

2 Samuele 15:23

Bena mvita bavua anu benda kumpala kua mukalenga Davide. Bena ditunga kudila miadi bikole, kuela mbila. Mukalenga Davide ne bantu bende, kusabuka musulu wa Sedrone, balonda njila wa ku tshipela.

1 Bakalenga 12:29

Yerobowame kuteka lupingu lua tshiamu tshia mpawungi ku Betele, lukuabu ku Dane.

1 Bakalenga 15:13

Asa kukandikaye bantu bua kababikidi kakuende Maaka ne: “Mukalenga muadi,” bualu Maaka uvua mupete meji mabi a kuenza lupingu lua mvidie mukaji Ashera. Asa kutuma diyi bua banyangakaje lupingu alu, baloshile ku muelelu wa musulu wa Sedrone.

1 Bakalenga 16:31

Kawa muenze anu malu mabi bu avua Yerobowame, muana wa Nebate muenze to. Uvua musele kabidi Yezabele, muana wa Etbale, mukalenga wa bena Sidone. Uvua uyakukukuila kabidi mvidie Baale, umutendelela.

1 Bakalenga 18:19

Kadi, mpindiewu, utume bantu, basangishe bena Izrayele bonsu, bafike muaba undi ewu ku mukuna wa Karmele. Ubikidishe bambi ba mvidie Baale nkama inayi ne makumi atanu, ne bambi ba mvidie mukaji Ashera nkama inayi, badi mukalenga mukaji Yezabele udisha.

1 Bakalenga 18:26

Bambi ba Baale, kuangata ngombe uvuabu babapesha. Kulongololabu mulambu. Pashishe, kulombabu kapia kudi Baale biangatshile ku dinda too ne munda munya, bamba ne: “Mvidie Baale wetu utuitabe!” Bavua baja maja, banyunguluke tshilambuilu tshivuabu bibake. Kadi, mvidie Baale kena mubandamune diyi nansha dimue to.

1 Bakalenga 18:40

Muambi Eliya kubambila ne: — Kuatayi bambi ba Baale. Muntu nansha umue wa kudibu kanyemi to. Kukuatabu bambi ba Baale bonsu. Muambi Eliya kupueka nabu ku muelelu wa musulu wa Kishone, kubakosaye mitu.

1 Bakalenga 19:18

Kadi munkatshi mua bena Izrayele, nenshiye bantu bakuabu binunu muanda mutekete ne muoyi, mmumue ne: bonsu badikabayi banji kukukuila mvidie Baale, kabayi banji kutua mpingu ayi mishiku.

2 Bakalenga 10:26

Kupatulabu makunji a tshijila avua mu nzubu amu, ku wosha.

2 Bakalenga 12:10

Mutuangaji Yoyada kusumba mushete, kuenza dikela pa tshibuikidiji tshia mushete awu. Kuutekaye ku luseke lua tshilambuilu, ku dia balume dia mushiku wa nzubu wa Mvidi Mukulu. Makuta onsu avuabu bafika nawu mu nzubu wa Mvidi Mukulu, batuangaji bavua balame ku mushiku wa nzubu awu, bavua ne mudimu wa kuela mu mushete.

2 Bakalenga 17:16

Bavua balengulula meyi onsu a Maweja-Nangila Mvidi Mukulu wabu. Bavua badienzela mpingu ibidi ya tuana tua ngombe tua tshiamu tshiengulula, badienzela kabidi makunji a kutendelela. Bavua batendelela bintu bionsu bidi mu tshibuashibuashi, benzela mvidie Baale mudimu.

2 Bakalenga 21:3

Kulongololaye ne miaba ya kutendelela mvidie ivuabu banyangakaje kudi tatuende Izkiya. Kuibakaye mvidie Baale bilambuilu. Kuenzaye dikunji dia kutendelela, bu muvuabu benza kale kudi Akabe, mukalenga wa bena Izrayele. Kabidi kutendelelaye bintu bia mu tshibuashibuashi.

2 Bakalenga 21:5

Pashishe, bintu bia mu tshibuashibuashi, Menashe kubashila bilambuilu mu mbanza ibidi ya ku nzubu wa Mvidi Mukulu.

2 Bakalenga 21:7

Uvua muenze kabidi lupingu lua mvidie mukaji, Ashera, mubiteke mu nzubu wa Mvidi Mukulu. Kadi, Maweja-Nangila uvua muambile Davide ne muanende wa balume Shelomu ne: “Nzubu ewu udi mu Yerushalayime, tshimenga tshindi mumane kusungula ku bimenga bionsu bidi mu bisamba dikumi ne bibidi bia bena Izrayele, ke muaba undi nsomba kashidi munkatshi mua bantu.

2 Bakalenga 22:4

— Uye kumonangana ne Ilkiya, mutuangaji munene. Umuambile bua kubalaye makuta onsu avua bantu bafila bua kulongolola nawu nzubu wa Mvidi Mukulu, avuabu basangisha kudi batuangaji bavua balama ku mushiku wa nzubu wa Mvidi Mukulu.

2 Bakalenga 23:12

Kupulaye bilambuilu bionsu bivua bakalenga ba bena Yuda bibake pa mutu pa nzubu wa Akaze. Kupulaye kabidi bilambuilu bionsu bivua Menashe muibake mu mbanza ibidi ya mu nzubu wa Mvidi Mukulu. Kunyangakajaye bilambuilu abi muaba awu. Kubimanshaye mu tshibandabanda tshivua mu Sedrone.

2 Bakalenga 23:15

Yoshiya kunyangakaja kabidi muaba wa kutendelela mvidie uvua ku Betele, uvua Yerobowame, muana wa Nebate, muibake bua kufikisha bena Izrayele ku dienza bibi. Yoshiya kuosha muaba uvua bantu batendelela mvidie, kupula tshilambuilu, kuosha dikunji divua bantu batendelela. Bintu bionsu abi, kubutuka, kushala anu butu.

2 Bakalenga 25:18

Mfumu wa bena mvita bavua balama mukalenga wa bena Babilone, kukuatshisha Seraya, mutuangaji munene, ne Sefanya tshindonde tshiende, ne batuangaji bakuabu basatu, bavua balame ku mushiku wa nzubu wa Mvidi Mukulu.

2 Kulondolola 15:16

Mukalenga Asa kubenga bua kabinyiki kakuende Maaka dina dia ne: “Mukalenga Muadi”. Bualu Maaka uvua ne meji mabi a kuenza lupingu lua mvidie mukaji Ashera. Mukalenga Asa kutuma diyi, bua banyangakaje lupingu alu, baluzaze, baloshile ku muelelu wa mayi a Sedrone.

2 Kulondolola 33:3

Menashe kulongolola kabidi miaba ya kutendelela mvidie, Kuabu banyangakaje kudi tatuende Izkiya. Uvua muibakile mvidie Baale bilambuilu. Uvua muenze makunji a kutendelela mvidie. Yeye muine uvua utendelela mabulunge a mulu.

2 Kulondolola 33:7

Uvua muenze kabidi lupingu lukuabu, muluteke mu nzubu wa Mvidi Mukulu bua kuntendelela. Kadi, Mvidi Mukulu uvua muambile Davide ne muanende wa balume Shelomu ne: “Nzubu ewu udi mu Yerushalayime, tshimenga tshindi mumane kusungula ku bimenga bionsu bia mu buloba bua bena Izrayele, ke muaba undi nsomba kashidi munkatshi mua bantu.

Yeshaya 27:9

Kadi mpindiewu, monayi, bubi bua bena Izrayele nebujimine; nebalekele bilema biabu. Nebatshibule mabue onsu a ku tshilambuilu, baazaza bu mabue a lupemba. Kabena basa kabidi makunji a kutendelela mvidie, nansha bioshelu bia manananshi.

Yirmeya 52:24

Mfumu wa bena mvita balami ba mukalenga, uvua mukuatshishe mutuangaji munene Seraya, Sefanya tshindonde tshiende ne batuangaji basatu balami ba tshibuelelu tshia nzubu wa Mvidi Mukulu.

Yirmeya 7:9

Eyowa, nudi nuiba, nushipangana, nuenda tshiendenda, nuditshipa mitshipu ya dishima, nulambula milambu kudi Baale, nutendelela mvidie ya bantu ba bisamba bikuabu inudi kanuyi bamanye to.

Yezekiyele 8:6

Mvidi Mukulu kuamba ne: — Yezekiyele, udi mumone bimpe bidi bienzeka ebi anyi? Bena Izrayele badi benza malu mabi mapite adi mua kungumushisha mu muaba wanyi wa tshijila. Kadi, neumone malu mabi makuabu mapite.

Osheya 4:15

Nansha bena Izrayele bena tshiendenda, kadi nuenu bena Yuda, kanuikadi bena tshiendenda to! Kanuyi muaba wa tshijila udi mu Ngilgale. Kanuyi ku Betele-Awene, bua kuditshipa ne: “Bu mudi Maweja-Nangila ne muoyi.”

Amosa 4:4

Bena Izrayele, nudi nubuela mu nzubu wa kutendelela wa Betele, kadi nudi amu nuntombokela. Nudi nuya kutendelela ku Ngilgale, nuenza anu kuenza malu mabi. Nudi nufika, patshiatshia dinda, nulambula milambu yenu, dituku dibidi nufila tshia dikumi tshia bia pa madimi enu.

Sefanya 1:4

“Nennyoke badi basomba mu Yerushalayime, ne bantu bonsu badi mu Yuda. Nengumushe muaba ewu, bionsu biwabu batendelela nabi Baale. Nansha batuangaji ba nwidie ewu, kabena mua kubavuluka kabidi to.

Matayi 26:3

Diba adi bamfumu ba batuangaji ne bakulu ba bena Yuda kudisangisha mu lubanza lua mutuangaji munene, dina diende nKayifa.

Matayi 27:1

Patshiatshia, bamfumu bonsu ba batuangaji, ne bakulu ba bena Yuda, kupunga diyi dia kushipesha Yezu.

Yowanane 18:1

Yezu mumane kulomba Mvidi Mukulu nanku, kumukaye ne balongi bende, kuyaye dishiya dia musulu wa Kedrone. Muaba awu uvua lupangu, yeye kubuelamu ne balongi bende.

Balombodi 2:13

Ke bena Izrayele kubenga Maweja-Nangila, bua kuya kutendelela mvidie Baale ne Astarte.