2 Bakalenga 17:28 - MUKANDA WA MYIDI MUKULU

²⁸ Ke muvua mutuangaji, uvuabu bakuate, bumuke nende, mupingane mu ditunga dia Samariya, musombe ku Betele, ulongesha bantu mua kutendelela Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Nunku umue wa bakuidi wakumushabo wakahingana, wakashikama mu Betele, wakabayisha mua kutshinabo Yehowa.

2 Bakalenga 17:28 Խաչաձեւ Հղումներ

2 Bakalenga 17:27

Ke mukalenga wa bena Ashure, kubikidisha mutuangaji mukuabu uvuabu baye nende mu Ashure mu bupika, bua apingane mu ditunga dia Samariya. Mutuangaji awu kusomba mu ditunga dia Samariya bua kulongesha bantu abu mudibu mua kutendelela mvidie awu.

2 Bakalenga 17:29

Kadi bantu ba bisamba bikuabu aba, bavua amu badienzela mpingu ya mvidie yabu, bayiteka miaba ya kutendelela, ivuabu bibake kudi bantu bavua base kale mu ditunga dia Samariya. Tshisamba tshionsu tshia bantu abu, tshivua anu ne lupingu lua nanku mu bimenga bionsu bivuabu basombe.

Yeshaya 29:13

Maweja-Nangila uvua wamba ne: “Tshisamba etshi tshidi tshinnemeka, amu ne meyi a mukana. Badi bantendelela amu ne mishiku. Kadi muoyi watshi udi kule. Ditendelela diabu didi amu meyi ne bibidilu bia bantu, bidibu balonda.

Yona 1:9

Yona kubandamuna ne: — Ndi muena Ebrewu, ndi nnemeka Maweja-Nangila, Mvidi Mukulu wa mu diulu, uvua mufuke mayi manene, ne buloba.

Matayi 15:14

Balekelayi! Bampofu, badi balombola bampofu! Kadi padi mpofu ulombola mpofu nende mu njila, bonsu babidi nebadishinde mu tshiina.

Yowanane 4:22

Nuenu, bena Samariya kanuena bamanye tshinudi nutendelela. Tuetu, bena Yuda tudi bamanye tshitudi tutendelela. Bualu lupandu ludi lufumina kudi bena Yuda.