2 Bakalenga 16:11 - MUKANDA WA MYIDI MUKULU

¹¹ Mutuangaji Uriya kuenza tshilambuilu tshipiatshipia, bilondeshile luidi luvuabu bamutumine kudi Akaze. Uriya kujikija dibaka dia tshilambuilu, Akaze kayi muanji kupingana mu Yerushalayime, ufuma ku Damase to.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Uliya muakuidi wakenza tshioshelu tshikuabo; wakatshifuanyikisha bu bintu bionso biakamutumina mukelenge Ahaza ku Damaseke. Uliya muakuidi wakatshienza ku mpala kua dihingana dia mukelenge Ahaza ku Damaseke.

2 Bakalenga 16:11 Խաչաձեւ Հղումներ

2 Bakalenga 16:10

Mukalenga Akaze kuya mu tshimenga tshia Damase, bua kumonangana ne mukalenga Tiglate-Pilesere. Akaze umona tshilambuilu tshivua ku nzubu wa Mvidi Mukulu mu Damase, kutuminaye mutuangaji Uriya mu Yerushalayime luidi lua tshilambuilu atshi ne mushindu uvuabu batshibake.

2 Bakalenga 16:12

Mukalenga Akaze upingana, kumona tshilambuilu, kusemena pabuipi natshi.

2 Bakalenga 16:14

Pashishe kumushaye tshilambuilu tshia tshiamu tshikunze tshivuabu bajidile mu dina dia Maweja-Nangila. Tshilambuilu atshi, tshivua pabuipi ne mushiku wa nzubu wa Mvidi Mukulu, pankatshi pa tshilambuilu tshipiatshipia ne nzubu wa Mvidi Mukulu. Kutshitekaye panyima pa tshilambuilu tshipiatshipia ku mutu.

2 Bakalenga 16:16

Mutuangaji Uriya kukumbaja bionsu bivua mukalenga Akaze muambe.

2 Bakalenga 21:4

Kuenzaye bilambuilu bikuabu, bia bantu benyi mu nzubu wa Mvidi Mukulu, wa mu Yerushalayime. Maweja-Nangila uvua mumane kuamba bua nzubu awu ne: “Meme Maweja-Nangila nensombe mu nzubu ewu.”

2 Bakalenga 21:7

Uvua muenze kabidi lupingu lua mvidie mukaji, Ashera, mubiteke mu nzubu wa Mvidi Mukulu. Kadi, Maweja-Nangila uvua muambile Davide ne muanende wa balume Shelomu ne: “Nzubu ewu udi mu Yerushalayime, tshimenga tshindi mumane kusungula ku bimenga bionsu bidi mu bisamba dikumi ne bibidi bia bena Izrayele, ke muaba undi nsomba kashidi munkatshi mua bantu.

2 Kulondolola 33:4

Uvua muimanyike bilambuilu bikuabu bia kutendelela mvidie ya bantu benyi mu nzubu wa Mvidi Mukulu wa mu Yerushalayime. Eku Maweja-Nangila uvua mumane kuamba bua nzubu awu ne: “Meme Maweja-Nangila nensombe mu nzubu emu kashidi.”

Yeshaya 8:2

Meme kuleja Uriya, mutuangaji, ne Zekarya, muana wa Yeberekya, tshibasa atshi, bua bamone bajadike bimvua mufunde.

Yirmeya 23:11

Bambi ne batuangaji bonsu badi benza buenzavi. Meme kubasangana benza bibi ne mu nzubu wanyi. Meme Maweja-Nangila ndi ngamba nanku.

Yezekiyele 22:26

Batuangaji benu kabena balonda mikenji yanyi, kabena banemeka miaba idibu bajidila mu dina dianyi. Kabena basunguluja bintu bidi bia tshijila, ne bintu bikuabu bidi bia tshianana. Kabena balongesha bantu mudi bintu bikuabu kabiyi ne mikiya, bikuabu ne mikiya. Kabena banemeka kabidi dituku dia Dikisha; badi badilengulula ku bukole. Nanku, kamuena muntu nansha umue udi unnemeka, mudibu ne bua kunnemeka.

Danyele 3:7

Nanku bantu ba matunga onsu, ba bisamba bionsu, ne ba miakulu yonsu, pasuabu bumvua muadi wa mpungi, nshiba, lunzenze, lunkombe, ne wa biombelu bikuabu bionsu, bavua binama panshi, bakukuila lupingu lua tshiamu tshia mpawungi luvua mukalenga Nebukadnesare muenzeje.

Osheya 4:6

Bantu banyi nebafue, bualu kabena bammanye meme to. Wewe kabidi uvua mundengulule. Nanku, nenkubenge, nkumushe ku mudimu wanyi wa butuangaji! Bualu mikenji yanyi meme Mvidi Mukulu webe, udi muyipue muoyi. Nanku meme tshiakuvuluka kabidi bana bebe to.

Osheya 5:11

Nebakengeshe bena Efrayime bikole, nebajimije ne buloba buvua buabu, bualu mbaye kukeba diambuluisha, kudi bantu badi kabayi ne tshia kuenza.

Ngalate 1:10

Nudi nuela meji ne: ndi nkeba bua bantu banganyishe anyi? Nansha! Ndi musue amu bua Mvidi Mukulu anganyishe! Ndi nkeba kusankisha bantu anyi? Bu meme nkeba kusankisha bantu, tshi vua mua kuikala muena mudimu wa Kristu to.