1 Samuele 4:17 - MUKANDA WA MYIDI MUKULU

¹⁷ Muntu awu kuandamuna ne: — Bena Izrayele mbanyeme bena Peleshete. Mbashipe bena mvita ba Izrayele bapite bungi. Mbashipe bana bebe babidi ba balume, Ofni ne Pinhase. Kabidi mushete wa tshijila wa Mvidi Mukulu mbaunyenga kudi bena Peleshete.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Muntu wakadi ulua ne lumu wakamuambila ne, Bena Isalele bakatshimuka ku mesu kua Bena Peleshete: bakashiha bantu ba bungi, ne bana bebe ba balume babidi, Hofeni ne Pinehasa, bakafua; bakanyenga mushete wa Nzambi kabidi.

1 Samuele 4:17 Խաչաձեւ Հղումներ

Misambu 78:61

Bua mushete wa ndondu, tshimanyinu tshia bukole buende ne lumu luende, kuufilaye mu bianza bia baluishi bua kuyawu mu bupika.

Misambu 78:64

Batuangaji kufua ku muele wa mvita, kakuvua kushala nansha bakaji bakamba bua kudila.

1 Samuele 2:34

“Bua wewe kujadika bionsu bindi nkuambila ebi, neumone malu enzekela Ofni ne Pinhase, bana bebe ba balume babidi. Nebafue bonsu babidi dituku dimue.

1 Samuele 3:11

Maweja-Nangila kuambila Samuwele ne: — Nenkengeshe bena Izrayele bikole. Dikenga adi nedikemeshe bikole bantu badi badiumvua.

1 Samuele 3:12

Dituku adi, nenkumbaje bionsu bimvua mumane kuamba bua kuenzela Eli ne bena nzubu wende. Nebapete makenga onsu amvua mumane kubambila. Tshiena ndekela to.

1 Samuele 4:16

Muntu uvua munyema mu mvita, kuambila mutuangaji Eli ne: — Ndi mfika amu mpindiewu, ngumukila ku mvita. Ndi munyeme anu lelu ewu. Mutuangaji Eli kumukonka ne: — Muananyi, mvita ivua mushindu kaayi?

1 Samuele 4:18

Muntu uvua wakula awu utela amu mushete wa tshijila, ke mutuangaji Eli uvua musombe mu nkuasa, kudishinda tshiadi mulu ku tshiibi tshia nzubu wa Mvidi Mukulu. Kutshibuka nshingu, kufuaye. Bualu uvua ne bujitu bua bungi, mumane kukulakaja. Mutuangaji Eli uvua mulombola bena Izrayele bidimu makumi anayi.