1 Samuele 22:2 - MUKANDA WA MYIDI MUKULU

² Bantu bakuabu bu nkama inayi, bavua ne bilumbu, nansha bavua ne mabanza, nansha bavua babenga bulongolodi bua ditunga, kudisangisha muaba uvua Davide. Davide kushala mfumuabu.

Mukanda wa Nzambi Dihungila Dikulukulu ne Dihungila Dihia-dihia 2003

² Bantu bonso bakadi ne ntatu ne bakadi ne mabanza ne bakadi ne kutontolola bakadisangisha kudiye; yeye wakadi kapitene kabo: bantu bakadi nʼandi bakadi bu nkama inai.

1 Samuele 22:2 Խաչաձեւ Հղումներ

2 Samuele 17:8

Wewe udi mumanye tatuebe Davide bimpe ne bantu badiye nabu: bonsu mbena mvita ba bukitu. Badi ne lonji bu nyama ya nkashama, padi mamuende mujimine mu tshisuku. Kabidi tatuebe mmuena mvita, kena mua kulala muaba umue ne bena mvita bakuabu to.

2 Samuele 5:2

Kale patshivua Shawule mukalenga wetu, ukavua ulombola bena Izrayele mu mvita yabu. Maweja-Nangila uvua mumane kukuambila ne: “Wewe Davide newikale, mukalenga wa bantu banyi bena Izrayele, newikale mfumuabu.”

2 Bakalenga 20:5

bua apingane kudi Izkiya, mukalenga wa bantu ba Maweja-Nangila, amuambile ne: “Maweja-Nangila Mvidi Mukulu wa nkambua webe Davide udi wamba ne: Ndi mumvue ditendelela diebe, kabidi ndi mumone binsonji biebe. Nanku ndi musue kujikija disama diebe. Papita matuku asatu, mutuadije kuya kabidi mu nzubu wa Mvidi Mukulu.

2 Bakalenga 4:1

Mukaji mukuabu uvua mufuishe bayende. Bayende awu uvua wa mu tshisumbu tshia bambi. Mukaji awu kuya kudi Elisha, umusengelela bua kumuambuluisha, wamba ne: — Elisha, udi mumanye ne: bayanyi mmumane kufua. Kadi, muntu uvua mutusombeshe makuta, mmufike bua kuangata bana banyi babidi, bua bashale bapika bende.

Nsumuinu 31:6

Kadi maluvu ikale nangananga a bantu badibu baya nabu ku lufu, nansha a badi mu dikenga dikole.

Matayi 11:12

Biangatshile tshikondu tshivua Yowanane-Batiste utuadija kulongesha, Mvidi Mukulu kutuadija kulongolola Bukalenga buende. Kadi too ne ku lelu, bena tshimvundu badi bakeba kukandika bantu, bua kababuitabi.

Matayi 11:28

Vuayi kundi, nuenu bonsu badi bapungile ne bujitu bunudi nuambula. Meme nelumpeteshe dikisha.

Ebrewu 2:10

Bualu Mvidi Mukulu — udi mufuke bionsu, kabidi udibu bafukila bionsu — uvua ne bua kupitshisha Yezu mu makenga bua kumufikisha ku bujima buende, bua amone mua kubueja bana bende bavule mu butumbi buende. Bualu Yezu ke udi ubafikisha ku lupandu.

Balombodi 11:3

Nanku Yefete kunyema bana babu, kuya kule. Kuasaye mu buloba bua Tobe. Bantu bena buenzayi kudisangisha ne Yefete, kumulonda mu bionsu bivuaye wenza.

Balombodi 18:25

Bena mvita kuandamuna ne: — Buikila mukana! Bana betu bakuabu badi mua kufika munda, kukuluisha. Nanku neudikebele lufu, wewe ne bena nzubu webe!

1 Samuele 1:10

Ane uvua mubungame bikole. Pavuaye udila, uvua ulomba Mvidi Mukulu ne: “Maweja-Nangila Mvidi Mukulu wa Izrayele, tangila mundi mu dikenga!

1 Samuele 22:3

Davide kumuka mu lubuebue lua Adulame, kuya ku Mispa mu Mowabe. Kuambila mukalenga wa bena Mowabe ne: — Anyisha bua tatu wanyi ne mamu wanyi balue kuasa munemu, too ne pangamanya tshidi Mvidi Mukulu musue kungenzela.

1 Samuele 23:13

Ke Davide ne bantu bavuaye nabu bu nkama isambombu, kumuka mu tshimenga tshia Keyila, kuya benda balalakana mu njila. Shawule kumvua lumu ne: Davide katshiena mu tshimenga tshia Keyila to, mmumane kunyema. Nanku kulekelaye mvita.

1 Samuele 25:13

Davide kutuma diyi, wamba ne: — Muntu yonsu ambula muela wa mvita! Nanku muntu yonsu kuasa muela wende wamvitaku mikaba. Davide kuambula wende muela wa mvita. Bena mvita bu nkama inayi kuya ne Davide. Bantu bakuabu nkama ibidi, kushala balame mabuki.

1 Samuele 30:6

Davide uvua ne kanyinganyinga kakole. Bualu bantu bavuaye nabu bavua basue kumuasa mabue bua kumushipa. Muntu yonsu uvua unyingalala, wela meji kudi bana bende ba balume ne ba bakaji. Kadi ku diambuluisha dia Maweja-Nangila Mvidi Mukulu wende, Davide kupeta bukole.

1 Samuele 9:16

“Malaba anu pa diba ditudi edi, nenkutumine muntu wa mu tshisamba tshia Binyamine. Wewe neumujidile bua ikale mukalenga wa bantu banyi bena Izrayele. Neabumushe ku bumfumu bua bena Peleshete. Bualu bantu banyi bena Izrayele, mbambikila bua meme kubambuluisha, kabidi ndi mumone dikenga diabu.”