1 Samuele 22:16 - MUKANDA WA MYIDI MUKULU

¹⁶ Mukalenga Shawule kuambila mutuangaji Akimeleke ne: — Wewe ne bena mu nzubu webe nenufue bonsu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Mukelenge wakamba ne, Ahimeleke, wewe neufue ne bonso ba mu nsubu wa tatu webe bulelela.

1 Samuele 22:16 Խաչաձեւ Հղումներ

1 Bakalenga 18:4

Pavua mukalenga mukaji Yezabele mushipeshe bambi ba Maweja-Nangila, Obadya uvua mupandishe bambi lukama, mubasokoke mu mbuebue: emu makumi atanu, emu makumi atanu. Mu mbuebue amu, Obadya uvua ubabadila biakudia ne mayi a kunua.

1 Bakalenga 19:2

Ke Yezabele kutuma muntu bua kumanyisha muambi Eliya ne: “Malaba pa diba ditudi edi, meme tshiyi mukushipe, bu muudi mushipe bambi ba Baale, mvidie innyoke ne dinyoka dikole!”

Estere 3:6

Bantu kumuambila kabidi ne: Mordekayi mmuena Yuda. Nanku kumonaye ne: ki mbimpe kunyoka amu Mordekayi nkayende, kadi mbimpe kubutula bena Yuda, bena tshisamba tshiabu bonsu badi basombela mu bukalenga bua Ahashaveroshe.

Nsumuinu 28:15

Mfumu wa tshikisu udi ne bumfumu mu tshisamba tshia bantu bapete, udi bu ntambue udi ukungula, bu nkashama udi ukeba tshiakudia tshiende.

Danyele 2:12

Nanku mukalenga kufika munda bikole, kutuma diyi bua bashipe bena meji bonsu ba mu Babilone.

Danyele 2:5

Mukalenga kubambila ne: — Ndi mumane kupangadika ne: panudi nupanga kungambila tshindi mulote, kanuyi mua kutshinjinguluila, nebanukose bitupa bitupa. Nzubu yenu neyikudimuke dikolu.

Matayi 2:16

Erode kujingulula ne: bena meji mbanshime, kufikaye munda bikole. Kutumaye diyi bua bashipe bana ba balume bonsu ba mu Betleyeme, ne ba mu misoku ivua pabuipi. Bana aba bavua ne bidimu bibidi anyi bishadile, bilondeshile tshikondu tshivua bena meji bamujadikile bua dimueneka dia mutotu.

Bienzedi 12:19

Erode kubambila bua bamukebe. Kadi nanshabu kumusangana to. Ke Erode kutuma diyi, bua balumbuluishe basolayi balami abu, babashipe. Pashishe kumukaye mu Yudeya, bua kuya kusomba amue matuku mu Kezareya.

Dielulula 24:16

Kanuena mua kushipa batedi bua buenzayi bua bana babu. Kanuena mua kushipa bana bua buenzayi bua batedi babu. Nudi mua kushipa muntu anu bua buenzayi buende yeye nkayende.

1 Samuele 14:44

Shawule kuamba ne: — Yonatane wewe kuyi mufue, Mvidi Mukulu annyoke ne dinyoka dikole!

1 Samuele 20:31

Kadi, teleja bimpe. Patshidi mulumiana ewu, muana wa Ishayi ne muoyi, umanye ne: kuena mua kujadika ne newikale mukalenga to. Nanku utume diyi, bakuate Davide, bafike nende apa, bualu udi ne bua kufua.

1 Samuele 22:15

Dituku adi, dindi mukonke Maweja-Nangila Mvidi Mukulu bualu bua Davide, ki mmusangu wa kumpala to. Kadi meme tshiena mukuelele meji mabi to! Wewe, lekela kumbanda meme ne bena mu nzubu muanyi. Bualu meme tshivua mumanye bualu ebu to.

1 Samuele 22:17

Ke mukalenga kuambila bena mvita bende bavua bamulame, bimane eku ne eku, ne: Shipayi batuangaji ba Maweja-Nangila aba tumone, bualu bavua bambuluisha Davide. Bavua bamanya ne: Davide mmunyeme. Kadi kabena bammanyisha to. Kadi, ku bena mvita ba Shawule bavua bamulame, muntu nansha umue kavua musue kulenga batuangaji ba Maweja-Nangila bua kubashipa.