1 Samuele 20:8 - MUKANDA WA MYIDI MUKULU

⁸ Nanku, wewe undeje muudi munnange. Bualu tudi batue nebe ndondu wa bulunda mu dina dia Maweja-Nangila. Pangikala muenze bualu bubi bua mushindu kaayi, unshipe wewe nkayebe pa mutu pa kumfila kudi tatuebe Shawule.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nunku ufuile muntu webe luse, bualu bua wewe wakamana kuhunga nʼanyi tshihungidi mu dina dia Yehowa; bikala bualu bubi munda muanyi, unshihe nkayebe; udi musue kulua nʼanyi ku mesu kua tatu webe bishi?

1 Samuele 20:8 Խաչաձեւ Հղումներ

Genese 24:49

Mpindiewu panuikala bitabe bua kukumbaja dijinga dia mfumuanyi, nansha panuikala babenge, nungambile patoke bua mmone tshindi mua kuenza.

Genese 47:29

Yakobe umvua ne: diba dia lufu diakumbanyi, kubikilaye muanende Yozefe, umuambila ne: — Pawikala munnange, kunjiki mu Ejipitu nansha. Kuata muinshi mua tshibelu tshianyi, uditshipe bua kundeja muudi munnange ne mundamate.

2 Samuele 14:32

Absalome kuandamuna ne: — Bualu mvua mukubikile, wewe kubenga. Meme mvua musue kukutuma kudi mukalenga Davide bua wewe kumuambila ne: “Ndi mumuke ku Ngeshure bua tshinyi? Bivua bimpe bua meme kusomba amu ku Ngeshure!” Mpindiewu, ndi musue kufika ku nzubu kua mukalenga. Pangikala muenze bibi, mukalenga anshipe!

1 Kulondolola 12:17

Tshisumbu tshia bena Binyamine ne tshia bena Yuda kuya kaba kawa Davide munyemene.

Misambu 116:11

Mvua ndubakana ngamba ne: “Kakuena muntu undi mua kutekemena!”

Nsumuinu 3:3

Wikale muena dinanga ne muena muoyi umue. Ngenzelu eyi ikale bu webe nsala wa lumu. Uyifunde mu muoyi webe.

Bienzedi 25:11

Kadi pangikala ne tshibawu, mubunde bualu buakanyine lufu, tshiena mbenga kufua to. Kadi pikala bidi bantu aba bamba kabiyi bilelela, muntu nansha umue kena mua kumfila kudibu to. Ndi ndomba bua nutume tshilumbu tshianyi kua Kezare.

Yoshua 2:14

Batentekedi abu kumuandamuna ne: — Tudi baditshipa kuudi. Tuetu katuyi bakumbaje bitudi tukulaya, Maweja-Nangila atushipe, kadi amu wewe kuyi muambile muntu tshitudi bavuile munemu. Nanku, padi Maweja-Nangila utupa ditunga edi, netukumbaje tshitudi bakulaye. Netukufuile luse.

Yoshua 22:22

— Maweja-Nangila ke Mvidi Mukulu wa bukole buonsu. Eyowa, anu Yeye ke Mvidi Mukulu wa bukole buonsu. Maweja-Nangila mmumanye tshitudi bashile tshilambuilu etshi. Bena Izrayele bonsu kabidi nebamanye bualu ebu. Patuikala batombokele Maweja-Nangila, bamuenzele tshilema bunene nanku, atushipe lukasa!

Rute 1:8

Nowemi kuambila bakaji ba bana bende ne: — Pinganayi mpindiewu, yonsu aye kudi mamuende. Maweja-Nangila anuvuluke, bu munuvua bamvuluke meme ne babayenu bafuile.

1 Samuele 18:1

Davide ujikija kuyukila ne Shawule, Yonatane, muana wa Shawule, kutuadija kunanga nsongalume awu bikole. Kumunangaye bu mudi muntu udinanga mene.

1 Samuele 18:3

Kadi bu muvua Yonatane munanga Davide bikole, kutuabu ndondu wa bulunda kashidi.

1 Samuele 20:16

Ke Yonatane kutua ndondu wa bulunda ne Davide, kabidi ne bena nzubu wa Davide, ubambila ne: “Maweja-Nangila nkayende asombuele bena lukuna ba Davide.”

1 Samuele 20:9

Yonatane kuandamuna ne: — Tshiena mua kukufila kudi tatu nansha kakese! Kadi ndi nditshipa ne: pangikala mumvue ne: tatu mmumane kujadika bua kukuenzela bibi, neukumanyishe.

1 Samuele 23:18

Yonatane ne Davide kutua ndondu wa bulunda mu dina dia Maweja-Nangila. Ke Yonatane kupingana kuende, Davide kushalaye ku Orsha.