1 Samuele 1:20 - MUKANDA WA MYIDI MUKULU

²⁰ Ke Ane kuimita difu, kulela muana wa balume. Ane kuamba ne: — Muana ewu ndi mmuinyika ne: Samuwele, bu alu ndi mumulomba kudi Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Hana wakimita difu, ne hakakumbana ngondo yandi, wakalela muana wa balume, wakamuidika dina diandi Samuele, wakamba ne, Bualu bua nakumulomba kudi Yehowa.

1 Samuele 1:20 Խաչաձեւ Հղումներ

Genese 16:11

Mpindiewu udi ne difu. Neulele muana wa balume. Umuinyike Ismayele. Bualu Maweja-Nangila mmumane kumvua muadi wa dikenga diebe.

Genese 30:22

Mvidi Mukulu kusamba Rakele. Kumvuaye dilomba diende, kumupeshaye buledi bua bana.

Genese 4:25

Adame ne Eva kulela muana we balume mukuabu. Eva kumuinyika dina dia Shete, wamba ne: — Mvidi Mukulu wakumpesha muana mukuabu pa muaba wa Ebele uvua Kayine mushipe.

Genese 5:29

Kumuinyikaye ne Nowa, wamba ne: — Muana ewu neatusambe ku mudimu mukole wetu wa bianza utudi tukuata, bualu Maweja-Nangila uvua mutshipe buloba.

1 Kulondolola 4:10

Yabese uvua utendelela Mvidi Mukulu wamba ne: “Mvidi Mukulu wa bena Izrayele, ungele lupemba, umvudijile bindi nabi, undame. Kadi ungumbushile diakabi ne makenga!” Mvidi Mukulu kumupesha tshivuaye umulomba.

Misambu 120:1

Musambu wa bena ngendu. Pavua dikenga dinkuata, meme kubila Maweja-Nangila, kungitabaye.

Ekesode 2:10

Muana mumane kukola, mamuende kumupingaja kudi muana wa mukalenga. Awu kumuangata bu muanende, kumuinyika dina ne: — Diende mMoshe, bualu ndi mumupatule mu mayi.

Ekesode 2:22

Sefora kulela muana wa balume. Moshe kuamba ne: — Dina diende didi Ngershone, bualu ndi muena tshimuangi, musombe mu ditunga dia bende.

Matayi 1:21

Nealele muana wa balume. Neumuinyike dina ne: Yezu, bualu neasungile bantu bende ku mibi yabu.

Ebrewu 11:32

Nengambe tshinyi kabidi? Tshiena ne diba dia kumvuija malu a Ngideyone, a Barake, a Shimeshone, a Yefete, a Davide, a Samuwele ne a bambi.