1 Korente 8:9 - MUKANDA WA MYIDI MUKULU

⁹ Kadi dimukayi! Bualu panudi nuenza nanku, nudia bionsu binudi basue, bumue nudi mua kulenduisha badi batekete mu ditaba.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kadi nudimuke bua bukole buenu kabuikadi tshilenduishi kudi badi batekete.

1 Korente 8:9 Խաչաձեւ Հղումներ

Yeshaya 35:3

Koleshayi mu maboku bantu badi bapungile, kankamikayi binu bidi bitenkakana.

Yeshaya 57:14

Maweja-Nangila udi wamba ne: “Longololayi njila, koleshayi, pandayi njila, umbushayi mu njila bintu bionsu bidi ne njiwu, bantu banyi benda kamuyi lutatu.”

Yezekiyele 14:3

— Yezekiyele, muoyi wa bantu abu udi amu ku mvidie yabu mibi indi mbenga, idi ibafikisha ku bubi. Nanku, badi bela meji ne: ndi mua kuandamuna ku nkonku yabu anyi?

Yezekiyele 44:12

Kadi bu mutotabu bambuluishe bantu bua kutendelela mvidie mikuabu, bafikishe bena Izrayele ku bue-nzavi, meme Maweja-Nangila Mvidi Mukulu ndi ngamba ne: nembanyoke. Nebadiambuile bujitu bua bubi buabu.

Lewitiki 19:14

Kanupendi muena mapapa. Kanuteki tshintu kumpala kua mpofu, bua adishinde panshi. Mu bionsu binudi nuenza, nuleje munudi nuntshina. Bualu Meme ndi Maweja-Nangila Mvidi Mukulu wenu.

Matayi 18:10

— Kanupepeji nansha umue wa ku badi bu bana. Ndi nnujadikila ne; batumibue ba Mvidi Mukulu, badi balama bana aba, badi mu diulu, bamonangana diba dionsu ne Tatu wanyi udi mu diulu. [

Rome 15:1

Tuetu badi bakole mu ditaba, tudi ne bua kuambuluisha badi batekete mu ditaba diabu. Katuena panu bua kukeba amu bidi bitusankisha tuetu.

1 Korente 10:24

Muntu nansha umue kakebi bidi bimulengelela yeye nkayende, kadi akebe bidi bilengelela bakuabu.

1 Korente 10:28

Kadi pikala muntu unuambila ne: “Munyinyi ewu ngwa ku nyama uvuabu balambule mvidie,” kuudi to! Kadi unemeke muntu udi ukuambila nanku, unemeke kabidi kondu ka munda,

1 Korente 10:29

tshiena ngamba ne: kondu kenu ka munda kadi kanupisha; kadi ka muntu mukuabu awu kadi kamupisha yeye. Bumue nenunkonke ne: “Kadi mudi kondu ka bakuabu kankandika mua kuenza mundi musue mbishi?

1 Korente 10:32

Kadi kanulenduishi nansha muena Yuda, nansha muntu wa mu tshisamba tshikuabu, nansha Tshisumbu tshia bena ditaba.

1 Korente 8:10

Bualu muntu udi ne ditaba ditekete, udi mua kukumona wewe, udi wamba ne: ndi mumanye malu, udia mu nzubu wa kutendelela mvidie. Diba adi kuena umusaka bua adie munyinyi uvuabu balambule, udi kondu kende ka munda kabenga anyi?

1 Korente 8:12

Panudi nuenzela bana benu bibi, nushipa kondu kabu ka munda kadi katekete, nudi nuenzela Kristu mene bibi.

1 Korente 9:22

Pandi ne bantu badi batekete mu ditaba, ndi nsomba amu mudibu basomba bobu, bua kubafikisha kudi Kristu. Ndi nditeka mulongu umue ne muntu yonsu, bua mmone mua kupandisha nansha bamue ba kudibu.

2 Korente 11:21

Bu mumvua tshiyi ne bukole bua kunukengesha nanku, ndi ngumvua bundu be! Kadi pikala muntu ukimina kuditambisha, — ndi ngakula bu muntu mupale — ndi mua kuditambisha ne meme kabidi.

2 Korente 11:29

Padi muntu kayi ne bukole, meme kabidi ndi ndiumvua ne: tshiena nabu. Padi muntu udishinda mu bubi, bidi bimbungamija bikole.

2 Korente 6:3

Katuena basue bua nupetele pa kujanyina mudimu wetu. Ke mutudi katuyi basue kulenduisha muntu nansha umue.

Ngalate 5:13

Bana hetu, Mvidi Mukulu mmunubikile, bua nudisunguile tshinudi basue kuenza. Tshiena musue kuamba ne: nudisunguile amu majinga mabi adi anusankisha mu buntu buenu. Kadi nunangangane, nuambuluishangane.

Kolose 2:8

Dimukayi bua muntu kanushimi ne malongesha a patupu a mu meji a bantu. Ke meji adi mafume ku malu adi bantu balongeshangana, ne kudi makole a mulu. Kadi kaena mafume kudi Kristu to.

1 Petro 2:16

Nuikale ne nsombelu wa bantu badi benza mudibu basue. Kadi panudi nuenza munudi basue, kanuambi ne: tudi mua kuenza kabidi malu mabi mu musokoku. Nuenze amu malu adi bantu ba Mvidi Mukulu mua kuenza.

2 Petro 2:19

Badi balaya bantu ne: nenudienzele malu munudi basue. Kadi bobu mene batshidi mu bupika bua bibidilu bidi mua kubafikisha ku lufu. Bualu muntu yonsu udi mupika wa tshidi tshimukokesha.

Didimanyisha 2:14

Kadi bualu bundi nkudiwila, mpadi bamue ba kunudi bitabe dilongesha dia Balaame. Balaame uvua ulongesha Balake, bua asake bena Izrayele ku dienza bibi. Ke muyuabu badie minyinyi ya nyama milambula nwidie, benza kabidi malu a bundu.