1 Korente 2:6 - MUKANDA WA MYIDI MUKULU

⁶ Numanye ne: malu atudi tulongesha adi a meji, kadi amu bua bantu bakadi bashindame mu malu a Mvidi Mukulu. Nanku meji aa ki nga panu, nansha a bamfumu badi balombola buloba, bualu badi ne bua kubutuka.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Tudi tuamba mei a meshi munkatshi mua bantu bakamana kukola mu bualu bua Nzambi, kadi kemeshi a tshikondo etshi anyi a bakokeshi ba tshikondo etshi balualua ba hatuhu.

1 Korente 2:6 Խաչաձեւ Հղումներ

Yobe 1:1

Ku kale, mu ditunga dia Usa, muvua muntu dina diende, Yobe. Muntu ewu uvua unemeka Mvidi Mukulu, umuitaba, uvua muntu muimpe, mubenge malu mabi.

Yobe 12:19

Nansha batuangaji babu, udi ubatuma mu bupika. Udi unyenga bantu bakane mianzu ivuabu bapete kale.

Yobe 12:21

Bantu bavuabu banemeka, bakadi babapepeja. Bena tshikisu, udi ubanyenga bukole buabu, bashale bianza bitupu.

Misambu 146:4

Padibu bafua, badi babajika, malu avuabu bapangadika mua kuenza adi ajimina bu bobu.

Misambu 33:10

Maweja-Nangila udi utupakaja ngenyi ya bukua bisamba, upumbisha meji adi bantu bela.

Misambu 37:37

Jooja muntu udi wenza malu makane, tangila muntu wa nsongu. Neumone ne: muntu wa nenku udi ne diakalenga mu bana bende.

Yeshaya 40:23

Maweja-Nangila udi upuekesha balombodi ba matunga, bashale bantu ba patupu. Udi uleja badi ne bumfumu, mudibu bantu ba patupu.

Matayi 13:22

Ntete idi ipona mu mitshi ya meba, ke badi bumvua muaku wa Mvidi Mukulu. Kadi disumpakana dia malu a bukua panu, ne mutshima wa biuma bia panu, bidi bikutakaja muaku, biupangisha mua kukuama bimuma.

Matayi 19:21

Yezu kumuandamuna ne: — Paudi musue kuikala muakane tshishiki, uye kupana bionsu biudi nabi, wambike bapele makuta abi. Nanku newikale ne biuma mu diulu. Pashishe ufike bua kundonda.

Matayi 5:48

Nuikale bantu balenga tshishiki, bu mu Tatu wenu udi mu diulu mulenga tshishiki.

Luke 16:8

Ke Mfumu kutumbisha mulami wa bintu ewu, bualu mmukuate mudimu ne budimu. Bualu bantu ba panu badi badimukila binabu, bapite mudi bantu badi benda mu butoke benza.

1 Korente 1:28

Uvua musungule bantu bashadile, badibu bapetula, badibu kabayi bangata ne mushinga, bua kubutula badi badiamba ne: tudi baneme.

1 Korente 12:8

Muntu kampanda udi upeta kudi Mueyelu dipa dia kuakula ne meji. Mukuabu udi upeta kudi Mueyelu wa momumue dipa dia kuakula bilondeshile dimanya diende.

1 Korente 14:20

Bana hetu, kanuikadi bu bana mu ngelelu wenu wa meji; nuikale bana bua bidi bitangila bubi. Kadi nuikale bantu bakole mu ngelelu wenu wa meji.

1 Korente 2:1

Bana hetu, tshikondu tshimvua mufike kuenu aku musangu wanyi wa kumpala, bua kunulongesha bualu bulelela busokome bua Mvidi Mukulu, tshivua muakule miaku mikole, nansha ya lungenyi lutue to.

1 Korente 2:13

Nanku katuena tulongesha malu aa ne miaku idi ileja meji a bantu, kadi amu ne miaku idi Mueyelu wa Mvidi Mukulu utumanyisha. Ke mutudi tumvuija bantu bidi Mvidi Mukulu muenze, ne miaku idi Mueyelu ewu utumanyisha.

1 Korente 2:8

Nansha umue wa ku bamfumu ba pa buloba ebu kavua mujingulule meji aa. Bu bobu baajingulule, kabavua mua kupopela Mfumu, udi wenza tshintu tshimue ne Mvidi Mukulu mu butumbi buende, pa mutshi mutshiamakane.

1 Korente 3:1

Bana hetu, tshivua musue kuyukila nenu, mudibu bayukila ne bantu badi Mueyelu wa Mvidi Mukulu ulombola nansha. Kadi mvua ne bua kunuyukidisha mudibu bayukila ne bantu batshidi ne meji a buntu, batshidi bana mu ditaba.

2 Korente 1:12

Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.

2 Korente 13:11

Mpindiewu, bana hetu, kolayi! Nulonde amu njila mululame. Nukoleshangane ku muoyi. Nuenze tshintu tshimue. Sombayi ne bupole. Nanku Mvidi Mukulu udi utunanga, neatupe bupole buende. Neikale nenu.

2 Korente 4:3

Bantu badi kabayi mua kumvua bimpe Lumu lua Disanka lutudi mmanyisha, ke amu bantu badi bajimina.

2 Korente 4:4

Diabolu, nwidie mubi wa pa buloba ebu, mmututubije lungenyi luabu. Ke padibu kabayi mua kuitaba Lumu lua Disanka, kabayi mua kumona bukenke budilu lutangalaja. Mu bukenke ebu butumbi bua Kristu budi bumueneka patoke. Mu Kristu mene Mvidi Mukulu udi umueneka.

Efeze 2:2

Nuvua benze malu mabi adibu benza pa buloba. Nuvua batumikile mfumu wa makole a mulu, mukishi mubi ewu utshidi ukuata mudimu munda mua bantu badi batombokela Mvidi Mukulu.

Kolose 1:28

Ke mutudi mmanyisha muntu yonsu Kristu. Tudi tudimuja bantu, tubalongesha ne meji onsu atudi nawu, bua muntu yonsu amueneke kumpala kua Mvidi Mukulu mukole mushindame mu didisanga diende ne Kristu.

Kolose 4:12

Epafrase, udi kabidi wa kuenu aku, udi unuela muoyi. Muena mudimu wa Yezu Kristu ewu kena upungila bua kunulombela kudi Mvidi Mukulu, bua nuikale bashindame mu ditaba, bantu bakole mu lungenyi, badi amu bakeba kukumbaja bidi Mvidi Mukulu musue.

Ebrewu 5:14

Kadi biakudia bikole mbifundile bantu bakole. Bobu bakadi bibidile kujingulula bidi bimpe ne bidi bibi mu malu amonamonabu.

Ebrewu 6:1

Nenku, tutungunukayi ne malongesha a bantu bakole. Tulekele malongesha a kumpala adi atangila malu a bena Kristu. Katu-nuvuluiji malu manene anukadi balonge: munudi ne bua kubenga midimu mibi yonsu, kabidi kuitaba Mvidi Mukulu,

Yakobe 3:15

Bualu meji a nanku kaena afuma mu diulu. Adi a panu, aleja bubi bua bantu, afuma kudi diabolu.

Yakobe 3:2

Tudi tuenza bonsu bibi mishindu mishilangane. Kadi padi muntu kayi wakula muaku mubi musangu nansha umue, awu mmuntu wa nsongu. mMumanye kabidi mua kukanda mubidi wende mujima.

1 Petro 5:10

Mvidi Mukulu mmunubikile bua nudisange nende mu butumbi buende bua kashidi, panudi nudisanga ne Kristu. Nanku nuenu bamane kukenga tshitupa tshikese, Mvidi Mukulu, mpokolu wa dinanga dionsu, neanuenze bantu ba tshijila. Neanushindike, anukoleshe bua kanutenkakanyi.