1 Korente 11:26 - MUKANDA WA MYIDI MUKULU

²⁶ Nenku misangu yonsu inudi nudia diampa edi, nunuina mu dikopu edi, nudi numanyisha bantu lufu lua Mfumu too ne pafikaye.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Bua misangu yonso inuadia bidia ebi ne inuanua luhanza elu, nudi nuambila bantu bua lufu lua Mukelenge tô ne halueye.

1 Korente 11:26 Խաչաձեւ Հղումներ

Yowanane 14:3

Meme mumane kuya kunulongoluela muaba, nempingane bua kunuangata, bua nuikale nuenu kabidi muaba undi.

Yowanane 21:22

Yezu kumuandamuna ne: — Meme musue bua ashale ne muoyi too ne pangapingana tshiakabidi, mbualu buebe anyi? Wewe, undonde!

Yowanane 21:23

Lumu kutangalaka kudi bavua balonda Yezu ne: mulongi awu kakufua to. Kadi Yezu kavua muambile Petro ne: “Mulongi awu kena ufua to,” kadi uvua muambe ne: “Meme musue bua ashale ne muoyi too ne pangapingana tshiakabidi, mbualu buebe anyi?”

Bienzedi 1:11

kubakonka ne: — Bena Ngalileya, munudi bimane apa batangile mulu nanku mbishi? Yezu ewu, udibu bumushe kunudi, bambule mu diulu, neapingane kabidi, mushindu unudi bamumone ubandamu.

1 Korente 15:23

Kadi muntu yonsu udi ubika mu wende mulongu. Kristu ke ntungamulongu wa bantu bonsu badi babika. Padiye upingana panu, badi bende nebabike kabidi.

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

1 Tesalonike 4:16

Diba diatuma Mvidi Mukulu diyi, diela mutumibue wa mulongu mubandile lubila, muadi wa mpungi neumvuike. Mfumu neatuluke mu diulu. Nanku bantu bafue batekemene Kristu, nebadianjile kubiika ku bafue.

2 Tesalonike 1:10

Ebi nebienzeke dituku didi Mfumu ufika, bua bantu bonsu badi bende, bamutumbishe, bua bonsu badi bamuitaba, bamusamune. Nuenu kabidi nenuikale munkatshi muabu, bualu nuvua bitabe bituvua banulongeshe.

Ebrewu 9:28

Ke muvuabu balambula Kristu musangu umue bua kujimija mibi ya bantu ba bungi. Neamueneke musangu muibidi, ki mbua kujimija mibi, kadi mbua kusungila badi bamuindila.

2 Petro 3:10

Kadi dituku dia Mfumu nedifike bu muivi. Dituku adi diulu nedibutuke ne mutoyi mukole. Kapia nekoshe bia mulu bionsu. Buloba ne bidipu bionsu nebijimine.

1 Yone 2:28

Eyowa, bana banyi, nushale mu bobumue ne Kristu. Nanku katuakupampakana dituku diamuenekaye. Katuakufua bundu kumpala kuende dituku diafikaye.

Yuda 1:14

Enoke, muntu wa muanda mutekete wa ku ndelanganyi ya Adame, ukavua muambe kale mu dina dia Mvidi Mukulu bualu buabu ne: “Maweja-Nangila neafike ne batumibue bende ba tshijila binunu makumi ne makumi,

Didimanyisha 1:7

Tangila: udi upueka mu mavuba! Bantu bonsu nebamumone, nansha bavua bamutubule mubidi. Bisamba bionsu bia pa buloba nebidile muadi bualu buende. Eyowa, nebikale nanku! Amene.

Didimanyisha 22:20

Udi ujadika bulelela bua malu onsu aa, udi wamba ne: “Bushuwa, nkadi mu njila!” Eyo! Bikale nanku! Mfumu Yezu, vuaku!