1 Korente 11:17 - MUKANDA WA MYIDI MUKULU

¹⁷ Bua bindi mua kunulongesha mpindiewu, tshiena mua kunuela kalumbandi to. Bualu bisangilu bienu bia ditendelela kabiena binulengelela, kadi bidi binuenzela bibi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Hananuambila dî edi, tshiena nutumbisha, bualu bua nudi nudisangisha kambualu bua kuvudisha malu mimpe kadi malu mabi.

1 Korente 11:17 Խաչաձեւ Հղումներ

Nsumuinu 27:5

Mulunda udi ukubela patoke, udi upita udi upuwa, ukutshina.

Lewitiki 19:17

“Kanulaminyi muanenu lukuna. Kanutshinyi mua kubela muntu patoke bua tshilema tshiende, bua kanuikadi bonsu bena tshibawu.

Rome 13:3

Bualu bamfumu kabena bakuatshisha bantu badi benza malu mimpe buowa, kadi amu badi benza malu mabi. Wewe udi musue ne: tshitshinyi bamfumu ba ditunga nansha. Nanku enza malu mimpe, bamfumu nebakupe lumu.

1 Korente 11:2

Ndi nnuela kalumbandi, bualu nudi numvuluka diba dionsu, nukumbaja kabidi bimvua munulongeshe, muvuabu bando-ngeshebi kumpala.

1 Korente 11:20

Panudi nudisangisha, kanutshiena nudia didia dia Mfumu.

1 Korente 11:22

Kanuena mua kudila ne kunuina ku mbanza yenu anyi? Nudi nupetula Tshisumbu tshia bena ditaba bua tshinyi? Nudi nuluisha badi bianza bitupu bundu bua tshinyi? Nudi basue nmuambile tshinyi? Bua nnuele kalumbandi anyi? Nansha kakese! Tshiena mua kunuela kalumbandi bua malu a nanku nansha!

1 Korente 11:34

Pikala muntu ne nzala, adile kuende. Tshianana bisangilu bienu nebinubueje mu tshilumbu kudi Mvidi Mukulu. Kadi bua malu makuabu, nengalongolole pangikala mufike kuenu.

1 Korente 14:23

Padi Tshisumbu tshijima tshia bena ditaba mu ditendelela, bonsu bakula miakulu idi bantu kabayi bumvua, bantu ba patupu, nansha badi kabayi bena ditaba, babuela muaba awu, kabena mua kunuamba ne: nudi bapale anyi?

1 Korente 14:26

Bana hetu, telejayi nkomenu wa bionsu bitudi bambe ebi. Panudi ntendelela Mvidi Mukulu, umue wa kunudi udi wimba musambu, munga udi ulongesha, mukuabu udi umanyisha malu adi Mvidi Mukulu mumuambile, ewu udi wakula mu miakulu idi bantu kabayi bamanye, munga udi uyumvuija. Kadi bionsu ebi bidi ne bua kukolesha bena Tshisumbu mu ditaba diabu.

Ebrewu 10:25

Katulekedi bisangilu bietu bu bakuabu bakadi ne tshibidilu tshia kubenga kubuelamu. Kadi tukoleshangane ku muoyi, tuenze nanku nangananga lelu unudi numona mudi dituku dia Mfumu disemena pabuipi.

1 Petro 2:14

Nutumikile balombodi bende ba matunga, badiye mufume bua kunyoka badi benza bibi, kabidi bua kutua badi benza bimpe makumbu.