1 Bakalenga 8:56 - MUKANDA WA MYIDI MUKULU

⁵⁶ — Ndi ngela Maweja-Nangila tuasakidila. Yeye ke udi mufile ditalala kudi bantu bende bena Izrayele, bu muvuaye mubalaye. Maweja-Nangila ke udi muenze bionsu ebi bua kujikija bivuaye mulaye mukana mua muntu wende Moshe.

Mukanda wa Nzambi Dihungila Dikulukulu ne Dihungila Dihia-dihia 2003

⁵⁶ Yehowa wakaha bantu bandi Bena Isalele dikisha bu muakabalayeye atumbishibue; nansha dî dimue dia milayi yandi mimpe yonso yakalayeye muntu wandi Mose kadiakahona hanshi hatuhu.

1 Bakalenga 8:56 Խաչաձեւ Հղումներ

2 Bakalenga 10:10

Nujadike ne: meyi onsu avua Maweja-Nangila muambe bua bena nzubu wa Akabe, adi anu akumbana! Maweja-Nangila ke udi mukumbaje bionsu bivua muambi Eliya muambe mu dina diende.

1 Kulondolola 16:36

Elayi Maweja-Nangila Mvidi Mukulu wa Izrayele, tuasakidila, numuelayi tuasakidila lelu ne kashidi. Bantu bonsu kupunguluja ne: “Amene! Tumbishayi Maweja-Nangila!”

1 Kulondolola 22:9

Kadi neulele muana wa balume. Neikale muntu udi ukeba bupole. Tshiakuanyisha bua baluishi bende badi bamunyungulukila bamutatshishe. Nebamuinyike dina dia Shelomu, — mmumue ne: ‘Bupole’. — Bualu matuku ashalaye mu bukalenga, nempeshe bena Izrayele bupole, kabayi mua kutshina tshintu.

2 Kulondolola 14:6

Kuambilaye bena Yuda ne: — Tukoleshayi bimenga ebi ne bimana, ne tuleya, kabidi ne biibi bitudi tukanga ne milonda ya tshiamu, matuku atshidi ditunga mu bianza bietu. Bushuwa, tuvua bitabe Maweja-Nangila Mvidi Mukulu wetu. Ke muvuaye mutupe ditalala ku nseke yonsu ya ditunga dietu. Kuenzabu midimu bua kukolesha bimenga ebi ne bimana.

Ekesode 18:10

Kuambaye ne: — Maweja-Nangila atumbe, bualu uvua mukuambuluishe, mukupatule mu tshinyangu tshia bena Ejipitu ne tshia mukalenga wabu.

Luke 21:33

Diulu ne buloba nebijimine. Kadi miaku yanyi kayakujimina to.

Dielulula 12:10

Kadi nenusabuke musulu wa Yardene, bua kusomba mu ditunga adi ne ditalala. Yeye neanulame bimpe. Baluishi benu bonsu, bena mutumba, kabakunuenzela bualu.

Dielulula 12:12

Muaba wa Maweja-Nangila Mvidi Mukulu wenu awu, nenusanke bonsu, nuenu, bana benu ne bena mudimu benu. Kabidi bena Levi, badi basa mu bimenga bienu, kabayi ne wabu muaba wa kuasa munkatshi muenu, nebasanke pabu.

Dielulula 3:20

Nanku nuambuluishe bena Izrayele bakuabu, too ne pikala Maweja-Nangila mubafikishe mu ditunga didiye ubapesha didi dishiya, luseke ludi diba dibuelela lua musulu wa Yardene, bua kupetabu dikisha bu munudi bapete nuenu. Pashishe muntu yonsu wa kunudi neapingane kuende mu ditunga dindi mumupeshe.”

1 Samuele 3:19

Samuwele kukola, Maweja-Nangila uvua amu nende. Bualu buonsu buvua Samuwele wamba mu dina dia Maweja-Nangila, Maweja-Nangila uvua amu ubukumbaja.