1 Bakalenga 6:5 - MUKANDA WA MYIDI MUKULU

⁵ Kuasabu nzubu mikuabu isatu mitentakaja, milamakaja ku bimana bia pa mbelu bia ku tshibambalu tshinene, ne bia ku tshibambalu tshia ndekelu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Wakasa nsubu milungakashe mu lumbu luakadi lunyunguluke ntempelo ne muaba wa tshijila kabidi; wakenza nsubu ku nseke yonso.

1 Bakalenga 6:5 Խաչաձեւ Հղումներ

1 Bakalenga 6:16

Mutantshi wa metre dikumi ne tshimana tshia ku ndekelu kua nzubu wa Mvidi Mukulu, bavua batekapu mikamba minene ya mutshi wa sedre, miasa panshi, mitue ku tshisasa tshia nzubu. Nanku, kupetabu muaba mu nzubu wa Mvidi Mukulu wa kuteka mushete wa ndondu. Bavua babikila muaba awu ne: muaba wa tshijila menemene.

1 Bakalenga 6:31

Bua kuinjila ku tshibambalu tshivua ne mushete wa ndondu, kuenzabu tshiibi tshia mutshi wa olive wa ditu, tshia kunzulula nseke ibidi. Kadi mabaya avua ku tshiibi avua tshia bitanu tshimue tshia tshiibi mu butshiama.

1 Bakalenga 6:6

Nzubu uvua kuinshi kua mikuabu uvua metre abidi ne tshitupa mu butshiama. Nzubu muibidi wa pankatshi uvua metre asatu, ne nzubu muisatu wa kulu uvua ne metre asatu ne tshitupa mu butshiama. Bualu tshimana tshia pa mbelu tshia nzubu wa Mvidi Mukulu, katshivua ne mupimbu wa momumue mu butumbuke buonsu to. Tshivua tshienda tshikepela ku tshitupa ku tshitupa, bua musaka wa nzubu kawubuedi mu bimana bia nzubu wa Mvidi Mukulu.

1 Kulondolola 23:28

Bavua babalombola kudi ndelanganyi ya Arone mu midimu yabu ya mu nzubu wa Mvidi Mukulu, ya mu lubanza, ya mu bibambalu bidi ku nseke kua nzubu. Bavua basukula ngesu ne malongu bia tshijila, bakumbaja midimu misunguluke ya mu muaba wa tshijila.

1 Kulondolola 28:11

Pashishe, Davide kupesha Shelomu dibeji divuabu bazola mushindu wa kuasa muaba wa tshijila, ne bibambalu bidi bilamikaku, — bibambalu bia kubutshila mpetu, bibambalu bia kulu, nansha bia munda, — ne tshibambalu tshia kuteka mushete wa ndondu.

1 Kulondolola 9:26

Balami ba biibi bavua ne bamfumu babu banayi. Bavua bena Levi, bavua ne mudimu wa kulama bibambalu ne biuma bia mu nzubu wa Mvidi Mukulu.

2 Kulondolola 31:11

Nanku, mukalenga Izkiya kutuma diyi bua bantu balongolole nzubu wa kuteka biakudia ebi, pabuipi ne nzubu wa Mvidi Mukulu. Bamane kuenza nanku,

2 Kulondolola 4:20

bitekedi bia miendu, ne miendu yabi, bienza ne tshiamu tshia mpawungi nkayatshi; miendu ivua ne bua kutema kumpala kua muaba wa tshijila menemene, bilondeshile muvuabu bamane kuamba;

2 Kulondolola 5:7

Pashishe, batuangaji kubueja mushete muaba uvuabu bamane kulongolola, mu tshibambalu tshivuabu binyika ne: muaba wa tshijila menemene, muinshi mua mapuapua a bakerubine.

2 Kulondolola 5:9

Milonda ayi ivua mile. Nsongu yayi ivua imueneka amu kudi muntu uvua pankatshi pa mushete ne tshibuelelu tshia tshibambalu. Kadi, kayivua imueneka kudi muntu uvua pambelu to. Milonda ayi itshidi muaba awu too ne mpindiewu.

Nehemya 10:37

Netulambule kabidi banabute betu, ne banabute ba bimuna bietu mu nzubu wa Mvidi Mukulu. Ke mudi mukenji wamba. Banabute ba nyama ya ngombe, ya mikoku, ne bana ba mbuji yetu, netubifile mu nzubu wa Mvidi Mukulu, tubipesha batuangaji badi benza mudimu mu nzubu amu.

Nehemya 12:44

Tshikondu atshi, bavua basungula bantu bua kulama mayeba, miaba ivuabu bateke biakudia bia tshianyi bivua bantu balambule, ne tshia dikumi tshia bintu bia mu madimi. Nanku, bintu bia mu madimi abi, bivua bifume mu madimi avua pabuipi ne bimenga. Bavua babipesha batuangaji ne bena Levi bilondeshile mikenji. Bualu mudimu onsu uvua batuangaji ne bena Levi benza, uvua usankisha bena Yuda bonsu.

Misambu 28:2

Unteleje pandi nkusengelela, nkulomba bua ungambuluishe, pandi ngolola bianza ku muaba wa tshijila menemene uudi usombe.

Ekesode 25:22

Netumonangane nebe anu pa tshibuikidiji tshia mushete awu. Pankatshi pa Bakerubine abu, ke pandi nkupela mikenji idi itangila bena Izrayele.

Musambu wa Solomo 1:4

Unkuate ku tshianza, tuye nebe lukasa. Mukalenga wanyi, umbueje mu tshibambalu tshiebe, tusanke bubidi buetu. Tusangale, bualu dinnanga diebe ndisheme dipite maluvu. Ke padi nsongakaji yonsu ikunanga.

Yirmeya 35:2

— Uye kudi tshiota tshia bena Rekabe. Wambile bantu aba bua babuele mu tshibambalu tshia ku nzubu wa Mvidi Mukulu. Muaba awu neubapeshe maluvu a mvinyo a kunuabu.

Yirmeya 35:4

Kubabuejaye mu nzubu wa Mvidi Mukulu, mu tshibambalu tshia balongi ba Anane, muntu wa tshijila, muana wa Igdaliya. Tshibambalu etshi tshivua pabuipi ne tshia bamfumu ba nzubu. Tshivua kabidi kulu ku mutu kua tshibambalu tshia Masheya, muana wa Shalume, mutuangaji uvua ne mudimu wa kulama tshibuelelu tshia nzubu wa Mvidi Mukulu.

Yezekiyele 40:17

Muntu awu kumfikisha mu lubanza lua pambelu pa nzubu wa Mvidi Mukulu. Mu lubanza elu bavua balamika mabue manene panshi. Bavua basa bibambalu makumi asatu, bivua bilamakane ne tshimana tshivua tshinyungulula lubanza.

Yezekiyele 40:44

Muntu kumfikisha mu lubanza lua munda mua nzubu. Muvua bibambalu bibidi, tshimue tshivua ku luseke lua tshiibi tshia ku mutu wa nzubu, kadi tshibuelelu tshiatshi tshivua tshitangila luseke lua kuinshi kua nzubu; tshikuabu tshivua ku luseke lua tshiibi tshia kuinshi kua nzubu, kadi tshibuelelu tshiatshi tshivua tshitangila ku mutu kua nzubu.

Yezekiyele 41:4

Uvua mupime kabidi muaba wa tshijila menemene. Uvua ne bule bua metre dikumi ku nseke yonsu. Pashishe, kungambilaye ne: ke muaba wa tshijila menemene.

Lewitiki 16:2

“Ambila muanenu Arone kabuedi tshibuelabuela muaba wa tshijila menemene, panyima pa tshilamba tshidi tshijika mushete wa tshijila ne tshibuikidiji tshiawu to. Bualu yeye mubuele nanku, udi mua kufua musangu undi lumuenekela mu muinshi, udi pa mutu pa tshibuikidiji tshia mushete.

Dibadika 7:89

Pavua Moshe ubuela mu ntenta wa kusambakena bua kuyukila ne Maweja-Nangila, uvua umvua diyi dia Maweja-Nangila, difumina pankatshi pa Bakerubine babidi, bavua pa tshibuikidiji tshia mushete wa ndondu. Diba adi Maweja-Nangila uvua uyukila ne Moshe.