1 Bakalenga 5:17 - MUKANDA WA MYIDI MUKULU

¹⁷ “Udi mumanye ne: tatu wanyi Davide kena muashile Maweja-Nangila Mvidi Mukulu wende nzubu wa tshijila to. Bualu baluishi bende bavua bamuluishe nseke yonsu, kabayi balekela to. Kadi Maweja-Nangila kumuambuluisha bua atshimune baluishi abu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Mukelenge wakela dî diandi, bakalua ne mabue manene a mushinga mukole, bakasa makunshi a nsubu ne mabue musonga.

1 Bakalenga 5:17 Խաչաձեւ Հղումներ

2 Samuele 22:39

Ndi mbashipa, mbasaya. Kabena bajuka kabidi to. Badi anu panshi, mbadiata mu makasa.

2 Samuele 7:5

— Ndaku kudi Davide, muntu wanyi. Umuambile ne: teleja tshidi Maweja-Nangila wamba ne: “Wewe Davide kuena mua kungashila nzubu undi mua kusomba to.”

1 Bakalenga 6:7

Bua kuibaka nzubu wa Mvidi Mukulu, bavua bamuibaka amu ne mabue majima, mushindu uvuabu baambule muaba udibu bumbula mabue. Nanku, matuku onsu avuabu bibaka nzubu wa Mvidi Mukulu, muntu kavua umvua mukuma wa ngindu, wa tshisuyi, nansha wa tshiamu tshikuabu.

1 Bakalenga 7:9

Nzubu yonsu eyi, bavua bayibake ne mabue avuabu basungule bimpe. Bavua basonga mabue awu, baakosa nseke yonsu ibidi ivua imueneka ne tshiamu tshia menu menu, luseke luvua lutangila munda mua nzubu, ne luseke luvua lutangila pa mbelu. Kuibakabu nzubu ne mabue a nanku, biangatshile kuinshi kua nzubu too ne ku mpenga kua musaka. Kuibakabu nawu kabidi bimana bia lupangu lunene.

1 Kulondolola 22:2

Davide kukungija benyi bonsu bavua base mu ditunga dia bena Izrayele. Kubapeshaye mudimu wa kusonga mabue a kuibaka nawu nzubu wa Mvidi Mukulu.

1 Kulondolola 22:8

Kadi Maweja-Nangila kubenga, kungambila ne: “Wewe uvua mupite kuela mashi a bantu panshi mu mvita minene iudi muluangane. Bua mashi adi mapueke panshi kumpala kuanyi, ki nguewe wangashila nzubu udibu bavua kuntendelela.

Yeshaya 28:16

Kadi umvuayi mudi Maweja-Nangila Mvidi Mukulu wamba: “Ndi nteka dibue dia tshitaku mu Siyone, dibue dia kunuteta nadi, dibue dia mushinga dia mu ditumba, didibu kabayi mua kunyungisha. Pa dibue edi mpafunde ne: muntu yonsu udi utekemena kundi, kena unyunga to.