1 Bakalenga 4:20 - MUKANDA WA MYIDI MUKULU

²⁰ Bena Izrayele ne bena Yuda bavua bungi bu lusenga ludi ku muelelu wa mayi manene, ludi muntu kayi mua kubala. Kadi bavua ne biakudia ne bia kunua bia bungi, basomba anu ne disanka.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bena Yuda ne Bena Isalele bakadi bungi bua nsenga ya ku muelelu wa mai manene; badiadia, banuanua, basankasanka.

1 Bakalenga 4:20 Խաչաձեւ Հղումներ

Genese 13:16

Nemvudije ndelanganyi yebe bungi budi muntu kayi mua kuyibala. Bu mudi muntu kayi mua kubala lusenga ludi pa buloba, ke mudibu kabayi mua kubala ndelanganyi yebe.

Genese 15:5

Maweja-Nangila kupatuka ne Abrame mu ntenta wende, umuambila ne: — Tangila mulu ne udi mua kubala mitotu idimu. Ke muikale bungi bua ndelanganyi yebe.

Genese 22:17

Nenkuele lupemba; nemvudije ndelanganyi yebe bungi bua mitotu ya mulu, nansha bu lusenga lua ku muelelu wa mayi manene. Ndelanganyi yebe neyinyenge misoku ya bena lukuna bayi.

Genese 32:12

Nanku ndi nkutendakena ne: unsungidile kudi mukuluanyi Esawu. Ndi ne bowa, bualu udi mua kumbutula ne bakaji ne bana.

1 Bakalenga 3:8

Mpindiewu nkaadi mulombodi wa bena Izrayele bauvua musungule. Bena Izrayele mbapite bungi, kabayi mua kubala to.

1 Bakalenga 5:9

Mvidi Mukulu uvua mupeshe Shelomu meji mapite ne lungenyi lupite bungi. Malu avua Shelomu mumanye avua a bungi bu lusenga lua ku muelelu wa mayi manene.

2 Bakalenga 18:31

Kanuena mua kuteleja tshidi Izkiya unuambila to. Nuteleje anu tshindi nnuambila meme mukalenga wa bena Ashure. Lekelayi kukandamana! Anyishayi nudifile kundi. Nanku, muntu yonsu wa kunudi neanue maluvu ende, neadie tumuma tuende tua mfiku, kabidi neanue mayi ende adi mu tshiina.

1 Kulondolola 12:39

Bena mvita bonsu aba bamane kudilongolola bua kuela mualu wa mvita, kufikabu mu Ebrone ne muoyi mutoke bua kubanjija Davide mu bukalenga bua bena Izrayele bonsu. Bena Izrayele bakuabu bonsu bavua amu banyisha bua kupesha Davide bukalenga abu.

1 Kulondolola 22:9

Kadi neulele muana wa balume. Neikale muntu udi ukeba bupole. Tshiakuanyisha bua baluishi bende badi bamunyungulukila bamutatshishe. Nebamuinyike dina dia Shelomu, — mmumue ne: ‘Bupole’. — Bualu matuku ashalaye mu bukalenga, nempeshe bena Izrayele bupole, kabayi mua kutshina tshintu.

Yobe 1:18

Patshivuaye amu wakula, muntu mukuabu kufika, umanyisha ne: “Bana bebe bavua badia banua kua tatuabu.

Nsumuinu 14:28

Lumu lua mukalenga wa ditunga ludi ku bungi bua bantu badiye nabu. Padi mukalenga kayi ne bantu, bumfumu buende kabuenaku to.

Muambi 2:24

Diakalenga dia bantu didi amu kudia, kunua ne kusanka ne bidibu bapeta ku mudimu wabu. Ndi mujadike ne: Mvidi Mukulu ke udi ubapesha diakalenga edi.

Yeshaya 22:13

Kadi nuenu kusanka amu kusanka, kushipa ngombe, kukosa mikoku mitu, kudia minyinyi, kunua maluvu… Nuenu kuamba ne: “Tudiayi, tunuayi, bualu malaba netufue.”

Mika 4:4

Kadi yonsu neadime talala budimi buende bua mvinyo ne bua mitshi ya olive. Kakuena muntu nansha umue, udi ukuatshisha mukuabu bowa.” Maweja-Nangila wa bukole buonsu udi wamba nanku.

Zekâya 3:10

Pafika dituku adi, nenubikilangane bua nusombe talalaa, nusanke ne bintu bia mu madimi enu a mionji ya mvinyo, ne bia mu mitshi ya mfiku.”

Zekâya 9:15

Maweja-Nangila wa bukole buonsu, nealame bantu bende, nealokeshe mvula ya mabue, bua kubutula ne kuzaza baluishi babu. Nebitshikije mashi a baluishi babu panshi, bu mudibu bitshikija pa matumba a tshilambuilu maluvu, nansha mashi a nyama ya milambu, adi tente mu makopu a kumiamina nawu.

Bienzedi 2:46

Ku dituku ku dituku, bavua basangila mu nzubu wa Mvidi Mukulu ne muoyi umue, bakosolola diampa pamue mu nzubu yabu, badila pamue ne disanka, ne muoyi wa dinanga.

1 Samuele 30:16

Nsongalume wa bena Ejipitu kufikisha Davide muaba uvua bena Amaleke. Kusanganabu bena Amaleke batangalakangana mu buloba bujima, badia, banua, benza tshibilu ne bintu bipite bungi, bivuabu bapawule mu ditunga dia bena Peleshete, ne mu ditunga dia bena Yuda.