1 Bakalenga 21:7 - MUKANDA WA MYIDI MUKULU

⁷ Yezabele kuandamuna ne: — Bulelela! Kuena muvuluke ne: wewe udi mukalenga wa bena Izrayele anyi? Juka! Udie biakudia, usanke! Meme Yezabele ndi nkupesha budimi bua mvinyo bua Nabote wa Yizreyele.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Izebele, mukashi wandi, wakamuambila ne, Wewe kuena ukokesha mu bukelenge bua Isalele, anyi? Juka biebe, udie, mutshima webe usanke; meme nenkuhe budimi bua Nabota, Muena Yizelele.

1 Bakalenga 21:7 Խաչաձեւ Հղումներ

2 Samuele 13:4

Yonadabe kukonka Amnone ne: — Muana wa mukalenga, udi uleja mpala mubi ku dituku dionsu nunku bua tshinyi? Kuena mua kungambilaku tshidi tshikutonda anyi? Amnone kuandamuna ne: — Bualu ndi munange Tamare, muakunyi wa Absalome, muanetu wa tatu.

1 Bakalenga 21:6

Mukalenga Akabe kuandamuna ne: — Mvua mumonangane ne Nabote, muena mu tshimenga tshia Yizreyele. Meme kumulomba ne: “Umpe budimi buebe bua mvinyo. Ndi musue kubusumba. Anyi pawikala musue, tudi mua kushintakaja, meme kukupa budimi bukuabu.” Kadi, Nabote mmungandamune ne: “Tshiena mua kukupa budimi buanyi bua mvinyo to.”

Nsumuinu 30:31

nzolu wa tshitala wa nkele ne mbuji wa mpumbu. Kadi kudi kabidi tshintu tshinayi: Ke mukalenga udi wenda kumpala kua tshiluilu tshiende.

Muambi 4:1

Meme kumona kabidi mudi bantu bakengeshangana mishindu yonsu pa buloba. Badibu bakengesha badi badila, kadi kakuena muntu nansha umue udi ubambuluisha! Badi babatatshisha ke badi ne bumfumu. Ke mudi muntu mukuabu nansha umue kayi mua kubambuluisha.

Muambi 8:4

Udi mua kukumbaja bidiye wamba, nansha biobi munyi. Muntu kena mua kumukonka kenzela ka bualu budiye wenza.

Amosa 6:12

Nyama ya tubalu idi mua kunyema lubilu pa mabue anyi? Badi badima mu mbuebue ne bikasu bidi ngombe ikoka anyi? Nudi nuandamuna malu: kulumbuluisha bantu kukadi kubalunga anyi? Kulongolola malu bimpe, kukadi kukengesha bantu bibi!

Mika 7:3

Badi bamanye bimpe, mudibu mua kuenza malu mabi. Bamfumu ne bakoshi ba nsambu, badi balomba mabuejila. Bantu banene badi bamba majinga abu patoke, bashima bantu bua kuakumbaja.

Balombodi 19:6

Nanku bantu babidi abu kusomba ku mesa, kudia, kunua. Tatuende muenu wa muena Levi kumuambila ne: — Anji kuindila kabidi kakese. Witabe bua kulala muaba ewu lelu.

Rute 3:7

Bowaze mujikije kudia ne kunua, uvua ne disanka. Pashishe kuyaye kulala pabuipi ne ntete. Rute kuya muaba awu wenda utobela. Kumushaye tshilamba tshitua Bowaze mulale natshi, kulalaye ku mikolu yende.

1 Samuele 8:14

Neanunyenge madimi mimpe, mionji mimpe ya mvinyo, ne mitshi ya olive mimpe inudi nukuna. Bionsu ebi, neabipeshe balombodi ba bena mvita bende.

1 Samuele 8:4

Bua buenzayi abu, bakulu ba bena Izrayele kudisangisha, kuya kudi Samuwele ku Rama,