1 Bakalenga 20:24 - MUKANDA WA MYIDI MUKULU

²⁴ Mpindiewu enza nunku: Umushe bakalenga bonsu, ne balunda bebe, ku bumfumu. Upingaje balombodi ba maloba mu muaba wabu.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Wenze biebe bualu ebu: umushe bakelenge, muntu ne muntu mu muaba wandi, teka tupitene mu miaba yabo;

1 Bakalenga 20:24 Խաչաձեւ Հղումներ

1 Bakalenga 20:1

Benadade, mukalenga wa bena Siriya, kusangishaye bena mvita bende bonsu, ne ba bakalenga makumi asatu ne babidi bavua bumvuangana nende. Kusangishaye kabidi ne nyama ya tubalu ne matempu a mvita bua kuya kuluisha tshimenga tshia Samariya, ukeba kutshikuata.

1 Bakalenga 20:16

Kutuadijabu mvita munda munya. Kadi, Benadade ne bakalenga makumi asatu ne babidi, balunda bende, bavua anu bakuatshike maluvu mu ntenta.

1 Bakalenga 20:23

Balombodi ba mu bukalenga bua bena Siriya, kuambilabu mukalenga wabu ne: — Mvidi Mukulu wa bena Izrayele udi Mvidi Mukulu wa ku mikuna, ke padi bena Izrayele batupite bukole. Kadi, tuye kuluangana nabu mu mpata, netubapite bukole bulelela.

1 Bakalenga 20:25

Wewe, wangata bena mvita bungi bua bavua bafue. Wangate kabidi nyama ya tubalu ne matempu a mvita, anu bungi bumue ne bia kumpala. Pashishe, tuye kuluisha bena mvita ba bena Izrayele mu mpata, netubapite bukole bulelela. Benadade kuitaba lungenyi alu.

1 Bakalenga 22:31

Kadi, mukalenga wa bena Siriya, uvua mumane kutuma diyi kudi bamfumu makumi asatu ne babidi, bavua ne matempu ende a mvita, bua kuluisha anu Akabe, mukalenga wa bena Izrayele, kabayi baluisha bena mvita bakuabu, nansha balombodi ba bena mvita.

Nsumuinu 21:30

Meji, lungenyi nansha dimanya bidi tshianana, paudi uluisha Maweja-Nangila.