1 Bakalenga 2:32 - MUKANDA WA MYIDI MUKULU

³² Bualu Abnere, muana wa Nere, mfumu wa bena mvita ba bena Izrayele, ne Amasha, muana wa Yetere, mfumu wa bena mvita ba bena Yuda, bavua bantu ba nsongu bapite Yowabe. Kadi Yowabe uvua mubashipe, tatu wanyi Davide kayi mumanye. Nanku Maweja-Nangila nkayende neasombuele Yowabe bua bantu aba bavuaye mushipe!

Mukanda wa Nzambi Dihungila Dikulukulu ne Dihungila Dihia-dihia 2003

³² Yehowa neahingishe mashi andi ha mutu nʼandi, bualu bua yeye wakashiha bantu babidi bakadi bamuhita yeye buakane; yeye wakabashiha ne muele wa nvita; tatu wanyi Davidi kakamanya bualu ebu; mena abo akadi Abinê, muana wa Nê, kapitene ka masalayi a Bena Isalele, ne Amasa, muana wa Yetê, kapitene ka masalayi a Bena Yuda.

1 Bakalenga 2:32 Խաչաձեւ Հղումներ

Genese 4:11

Mpindiewu udi ne mulawu pa buloba buvua bumatshile mashi a muanenu uuvua mushipe.

Genese 42:22

Rubene kubavuluija ne: — Mvua munuambile ne: kanuenzedi muana ewu bibi to. Nuenu kubenga kunteleja. Mpindiewu bakadi batusombuela, bua lufu luende.

Genese 9:6

Udi upumuna mashi a muntu, nebapumune ende kudi muntu, bualu mbafuke muntu mufuanangane ne Mvidi Mukulu.

2 Samuele 1:16

Davide kuela muena Amaleke awu lusanzu ne: — Wewe nkayebe udi mudikebele lufu. Udi mumane kudienzela bibi, bualu udi ujadika ne: “Meme ke udi mushipe mukalenga uvua Maweja-Nangila musungule.”

2 Samuele 17:25

Absalome uvua mumane kusungula Amasha bua kuikalaye mfumu wa bena mvita, mupingana muaba wa Yowabe. Amasha uvua muana wa Yetere, muena Izrayele. Yetere uvua musele Abigale, muana wa Nakashe, kabidi muanabu wa Seruya, mamuende wa Yowabe.

2 Samuele 3:29

Amu Yowabe ne bena mu nzubu wende bonsu, ke bena tshibawu. Ku ndelanganyi yende mu bikondu bionsu, muntu neapete disama dia tufina tupatuka mu mubidi, nansha nsudi, ikale wenda ne dikombu, afue ku muela wa mvita, apanga biakudia!

2 Samuele 3:37

Nanku dituku adi, bena Yuda ne bena Izrayele bonsu kujadika ne: mukalenga Davide kavua mutume diyi bua bashipe Abnere, muana wa Nere, to.

2 Samuele 3:39

Bulelela, meme Davide ndi mukalenga. Kadi lelu ndi ngunwua butekete bua bungi. Bana aba ba Seruya, mbana babi, badi bampite bukole. Nanku Maweja-Nangila nkayende anyoke bantu badi benza bualu ebu.

2 Samuele 4:11

Kadi nuenu bantu bena buenzayi, badi bashipa muntu kayi ne bualu, muikale mu nzubu wende, mulale pa bulalu buende, meme ndi mua kunuenzela tshinyi? Ndi nnunyoka bua dishipangana dienu. Ndi nnumusha pa buloba kashidi.

1 Bakalenga 2:44

Udi muvuluke malu mabi onsu auvua muenzele tatu wanyi Davide anyi? Udi anu mumanye bionsu abi. Nanku, Maweja-Nangila neakusombuele nkayende bua buenzayi buebe.

1 Bakalenga 2:5

“Pashishe, uvuluke malu mabi onsu avua Yowabe, muana wa Seruya, mungenzele. Uvua mushipe Abnere, muana wa Nere, mushipe kabidi Amasha, muana wa Yetere, bamfumu babidi balombodi ba bena mvita ba bena Izrayele. Bu muvua Yowabe mushipe bantu aba mu tshikondu tshia ditalala, kabiyi mu matuku a mvita, udi muena tshibawu menemene. Udi ne mashi a bantu aba pambidi, bualu mmushipe dilaya diabu dia bena mvita.

1 Bakalenga 8:32

Nanku Maweja-Nangila, mu diulu wikale muteleje. Ukose tshilumbu tshia bantu bebe, bua muena tshibawu apete dinyoka, kabidi bua udi mubinge amueneke ne kena ne bualu to.

2 Kulondolola 21:13

Kadi udi mulonde tshilejilu tshia bakalenga ba bena Izrayele. Udi mufikishe bena Yerushalayime ne bena Yuda, ku ditendelela mvidie ya tshianana, bu muvuabu benza kudi bena diku dia Akabe. Udi mushipe kabidi bana benu ba balume bavua bakupite ku malu mimpe.

2 Kulondolola 21:14

Nanku Maweja-Nangila neatumine bantu bebe, bana bebe ba balume, bakaji bebe, ne bionsu biudi nabi, tshipupu.

Estere 1:19

Nanku, mukalenga, paudi muitabe, ela mukenji wa ditunga. Ukandike kashidi mukalenga mukaji Vasti bua kamueneki kumpala kuebe to. Ufile muanzu wende kudi mukaji mukuabu udi mukumbanyine muanzu awu. Mukenji awu uufunde ku mikenji ya bena ditunga dia bena Persa ne dia bena Madayi idibu kabayi mua kukudimuna.

Misambu 7:16

Udi umbuila bakuabu tshiina tshile, neadishinde mu tshiina tshiende atshi.

Misambu 7:17

Bubi buvuaye mulongoluele bakuabu, nebumupingene pa mutu, tshikisu tshidiye natshi netshimuimane mu mpala.

Yezekiyele 17:19

Meme Maweja-Nangila Mvidi Mukulu wa muoyi, ndi ngamba ne: “Mukalenga wa bena Izrayele mmunyange ndondu uvuaye mutue, uditshipa kumpala kuanyi. Nanku, pa bualu ebu nemmunyoke.

Dibadika 32:23

Kadi numanye ne: Nuenu kanuyi bakumbaje bionsu ebi, nenuikale bena tshibawu. Maweja-Nangila neanunyoke.

Balombodi 9:24

Ke muvua bena Shekeme bonsu ne Abimeleke ne bua kufuta tshibawu tshia bubi buabu. Abimeleke uvua mupete dinyoka edi, bualu mmushipe bana babu ba balume makumi muanda mutekete, bana ba Yerubaale. Bena Shekeme bavua bapete dinyoka edi, bualu mbakoleshe Abimeleke mu maboku bua kushipaye bana babu.

Balombodi 9:57

Mvidi Mukulu uvua munyoke kabidi bena Shekeme, bua lonji lukole luwabu nalu. Manyoka onsu avua Yotame, muana wa Yerubaale, muambile bena Shekeme, kukumbanawu.

1 Samuele 15:28

Ke Shawule kushala ne tshipesa ku bianza. Samuwele kuambila Shawule ne: — Ke mudi Maweja-Nangila upanda bukalenga bua bena Izrayele, ukunyengabu lelu, bua kubupesha muntu mukuabu wa nsongu mukupite wewe.