1 Bakalenga 16:16 - MUKANDA WA MYIDI MUKULU

¹⁶ Bena mvita kumvua lumu ne: Zimri mmuelele mukalenga Ela tshifufu tshibi, mmumane kumushipa. Diakamue bena mvita bonsu bavua mu mitanda kumvuangana muaba awu, kusungula Omri, mulombodi wa bena mvita, bua kushalaye mukalenga wa bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bena nvita ba mu tshitudilu bakunvua lumu ne, Zimeli wakela tshifufu, wakashiha mukelenge wetu; nunku Bena Isalele bonso bakasungula Omeli, kapitene ka masalayi abo, mukelenge ku mutu kua Bena Isalele dituku adi mu tshitudilu.

1 Bakalenga 16:16 Խաչաձեւ Հղումներ

1 Bakalenga 15:27

Ke Basha, muana wa Akiya, muena tshisamba tshia Isakare, kuelela Nadabe tshifufu tshibi. Bena Peleshete bavua bamane kukuata tshimenga tshia Ngibetone. Dibadivua Nadabe ne bena mvita baluisha tshimenga atshi, Basha kushipa mukalenga Nadabe.

1 Bakalenga 16:15

Mu tshidimu tshia makumi abidi ne muanda mutekete, tshivua Asa mu bukalenga bua bena Yuda, Zimri kuangata bukalenga mu Izrayele. Kushalaye mu bukalenga mu tshimenga tshia Tirsa matuku muanda mutekete. Diba adi, bena mvita ba bena Izrayele, bavua baluisha bena Ngibetone, tshimenga tshivua bena Peleshete bakuate.

1 Bakalenga 16:17

Nanku, Omri ne bena mvita bavuaye nabu, kumuka mu tshimenga tshia Ngibetone, kuya kuluisha tshimenga tshia Tirsa.

1 Bakalenga 16:30

Kadi, uvua wenza bidi Maweja-Nangila ubenga. Uvua muenze bibi mupite bakalenga bonsu bavua bamudianjidile mu bukalenga.

2 Bakalenga 8:26

Akaziya uvua ne bidimu makumi abidi ne bibidi. Uvua mushale tshidimu tshijima mu bukalenga mu Yerushalayime. Dina dia mamuende divua Ataliya. Ataliya uvua wa mu diku dia Omri, mukalenga wa bena Izrayele.

2 Kulondolola 22:2

muikale ne bidimu makumi abidi. Kushalaye mu bukalenga mu Yerushalayime tshidimu tshimue. Mamuende uvua Atalya wa mu diku dia Omri.

Mika 6:16

Nenuidikije malu mabi onsu, avua mukalenga Omri wenza ne bena diku dia Akabe, muanende wa balume. Nudi nulonda bilele biabu! Ke pandi mbutula tshimenga tshienu. Nuenu badi basombamu, bantu nebanuseke. Bundu budi bukuata bantu banyi bonsu, nebunukuate kabidi.”