1 Bakalenga 10:3 - MUKANDA WA MYIDI MUKULU

³ Mukalenga Shelomu kuandamuna ku makonka awu onsu. Kawa mushiye dikonka nansha dimue, kayi mudiandamune.

Mukanda wa Nzambi Dihungila Dikulukulu ne Dihungila Dihia-dihia 2003

³ Solomo wakitaba ku makonka andi onso; yeye kakamusokoka bualu bumue.

1 Bakalenga 10:3 Խաչաձեւ Հղումներ

2 Samuele 14:17

Nanku, mukalenga, meme mvua ngela meji ne: “Diandamuna dia mukalenga neditusambe, bualu mukalenga, wewe udi bu mutumibue wa Mvidi Mukulu, udi mumanye mua kusunguluja bualu buimpe ne bubi.” Nanku Maweja-Nangila Mvidi Mukulu webe ikale nebe!

2 Samuele 14:20

Yowabe mmusue nenku bua kulongolola tshilumbu. Kadi mukalenga wewe udi mumanye bionsu bidi bienzeka pa buloba, bualu udi ne meji matue bu a mutumibue wa Mvidi Mukulu.

1 Bakalenga 10:1

Mukalenga mukaji wa mu ditunga dia Saba, kumvuaye lumu lua Shelomu. Kuyaye bua kumonangana nende, kumukonka malu makole bua kujadika muvua lungenyi luende.

1 Bakalenga 10:2

Mukalenga mukaji awu, kufika mu Yerushalayime ne musumba munene wa bantu bavuaye nabu. Uvua kabidi ne nyama ya tumelu miambule manananshi, tshiamu tshia mpawungi kilo mivule, ne mabue a mushinga mukole. Kufikaye kudi Shelomu. Kumuelaye makonka onsu avuaye mumane kulongolola.

1 Bakalenga 10:4

Mukalenga mukaji wa mu Saba kujadika muvua Shelomu muakule ne lungenyi, kukema bikole bua mushindu uvua nzubu wa bukalenga uvua Shelomu mudibakile,

1 Bakalenga 3:12

Nanku, bilondeshile tshiudi mulombe, ndi nkupa lungenyi ne meji. Newikale ne lungenyi lua bungi, lupite lua bantu bonsu bavua kumpala kuebe nansha bakulonda panyima.

2 Kulondolola 9:2

Shelomu kuandamuna ku nkonku yonsu ayi. Kavua mushiye nansha lumue kayi mubandamune to.

Nsumuinu 13:20

Udi wenda ne bena meji, udi upeta meji. Kadi udi wenda ne bidingidingi neashale kabidi tshidingidingi.

Yeshaya 42:16

Kadi nendudike bantu banyi, batshivua bashale bampofu, mu njila udibu katshia kabayi bayile. Nenkudimune miidima, yenze munya, bua bantu bende bimpe. Ndi ndandakaja miaba idi biina. Ke bindi musue kuenza. Nembikumbaje, tshiyi ndekela.

Matayi 13:11

Ke Yezu kubandamuna ne: — Mbanyishe bua nuenu numanye malu masokome a Bukalenga bua mu diulu, kadi ki mbanyishe bua bantu bakuabu baamanye nansha!

Yowanane 7:17

Muntu udi musue kuenza tshidi Mvidi Mukulu musue, neajingulule mudi dilongesha dianyi difume kudi Mvidi Mukulu, nansha kundi meme nkayanyi.

1 Korente 1:30

Kadi Mvidi Mukulu mmunusange ne Yezu Kristu. mMuenze Kristu meji etu. Kristu udi utubingisha kumpala kua Mvidi Mukulu, utuenza bantu bende ba tshijila, utupikula kabidi ku bubi.

Kolose 2:3

Yeye ke nsapi idi ikangula, yunzulula bibutshilu bisokome bionsu bia meji ne lungenyi bia kudi Mvidi Mukulu.