Yirmeya 38:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nunku Yelemiya wakambila Sedekiya ne, Yehowa wa misumba, Nzambi wa Isalele, udi wamba ne, Biwaluhuka kudi baminyampala ba mukelenge wa Babulona, nebasungile muoyo webe ne kabena bosha musoko eu ne kahia; wewe newikale ne muoyo ne ba mu nsubu muebe.

MUKANDA WA MYIDI MUKULU

¹⁷ Nanku Yirmeya kuandamuna mukalenga Sedekiya ne: — Maweja-Nangila Mvidi Mukulu wa bukole buonsu, Mvidi Mukulu wa Izrayele udi ukuambila ne: “Wewe mumuke bua kuya kudi mulombodi wa mvita wa bena Babilone, newikale ne muoyi, wewe ne bena diku diebe, tshimenga etshi kabakutshibutula kudi kapia to.

Yirmeya 38:17 Խաչաձեւ Հղումներ

Genese 12:13

Ndi nkutendekena ne, Wamba biebe ne, Meme ndi muanʼabo wa bakashi, bua meme mpete diakalengele bua bualu buebe, ne mutshima wanyi wikale ne muoyo bua bualu buebe

2 Bakalenga 24:12

ne Yehoyakina, mukelenge wa Yuda, ne mamu wandi ne bantu bandi ne tuhita tuandi ne tupitene tuandi bakaluhuka, bakaya kudi mukelenge wa Babulona. Mukelenge wa Babulona wakamukuata mu tshidimu tshia muanda mukulu tshia bukelenge buandi.

2 Bakalenga 25:27

Mu tshidimu tshia makumi asatu ne muanda mutekete tshia buhika bua Yehoyakina, mukelenge wa Yuda, mu dituku dia makumi abidi ne muanda mutekete dia ngondo wa dikumi ne ibidi, mu tshidimu tshiakabanga Ewile-melodaka kukokesha mu Babulona, yeye wakabisha mutu wa Yehoyakina, mukelenge wa Yuda, mu nsubu wa lukanu;

1 Kulondolola 17:24

Dina diebe dijadikibue, ditumbishibue tshiendelele, ne, Yehowa wa misumba udi Nzambi wa Isalele, Nzambi mene kudi Bena Isalele; ne nsubu wa Davidi muntu webe udi mujadikibue ku mpala kuebe tshiendelele.

Ezela 9:4

Hashishe bakadisangisha kundi, muntu ne muntu, bakadi bazakala bua mei a Nzambi wa Isalele bualu bua bubi bua bantu aba bakumuka mu buhika; nakashikama hanshi ntua mikemu tô ne ku diba dia kufila mulambu wa ku dilolo.

Yobe 23:13

Kadi yeye wakadisunguila bualu bumue, ne muntu kai udi mua kukudimuna meji andi? Bualu budi mutshima wandi Usungula mbudiye wenza.

Misambu 80:14

Nzambi wa misumba, tudi tukusengelela ne, Wandamuke; kûdi mushikame mu diulu utangile hanshi, ûmone, welangane meji a muonshi eu.

Misambu 80:7

Wewe Nzambi wa misumba, utuandamune mitshima yetu kabidi; mpala webe ateme, ne netusungidibue!

Yirmeya 27:12

Nakambila Sedekiya, mukelenge wa Yuda, mei â onso, nakamuambila ne, Nubueshe nshingu yenu muinshi mua mutshi wa tshikokedi wa mukelenge wa Babulona, numukuatshile ne bantu bandi mudimu bua nuikale ne muoyo.

Yirmeya 27:17

Kanubunvuidi; nukuatshile mukelenge wa Babulona mudimu, bua nuikale ne muoyo. Musoko eu udi ne bualu bua kulua bikulu bua tshinyi?

Yirmeya 27:8

Yehowa udi wamba ne, Mu dituku adi, nenkengeshe ba mu tshisamba ne ba mu bukelenge badi kabayi bakuatshila Nebukadenesâ eu, mukelenge wa Babulona, mudimu, ne badi kabayi bitabusha bua kubueshabo nshingu yabo muinshi mua mutshi wa tshikokedi wa mukelenge wa Babulona; nenkengeshe ba mu tshisamba atshi ne muele wa nvita ne tshiole ne tshihuhu, tô ne hanababutula ku tshianza tshiandi.

Yirmeya 38:2

Yehowa udi wamba ne, Washala mu musoko eu nealue ku muele wa nvita, ku tshiole ne ku tshihuhu; hadi waluhukamu bua kuyeye kudi Bena Kasada neikale ne muoyo, ne muoyo wandi newikale kudiye bu tshintu tshiakanyengeye mu nvita, ne yeye neikale ne muoyo.

Yirmeya 39:3

Mu tshikondo atshi baminyampala ba mukelenge wa Babulona hakabuela mu musoko, bakashikama hehi ne tshibi tshia hankatshinkatshi ha lumbu lua musoko. Menʼabo akadi Nêgala-shalesê, Samagâ-Nebo, Sâsekima, kapita ka Bantu Batungula, Nêgala-shalesê, kapita ka Bena Meji, ne baminyampala bakuabo bonso ba mukelenge wa Babulona.

Yirmeya 40:9

Gedaliya, muana wa Ahikama, muana wa Shafana, wakaditshiha kudibo ne kudi bantu balume babo ne, Kanutshinyi kukuatshila Bena Kasada mudimu. Shikamai mu buloba, nukuatshile mukelenge wa Babulona mudimu, nenuikale ne diakalengele.

Yirmeya 44:7

Nunku Yehowa, Nzambi wa misumba, Nzambi wa Isalele, udi wamba mpindiu ne, Nudi nuenzela mioyo yenu mene bualu bubi, bua meme kunûmushila balume ne bakashi, muana mukese ne muana utshidi wamua mabele, munkatshi mua Bena Yuda, tshiyi nnushila muntu umue, bua tshinyi?

Yezekiyele 8:4

Monai! Butumbi bua Nzambi wa Isalele buakadiku, bu tshinfuanyi atshi tshinakamona diambedi mu mpata.

Amosa 5:27

Nunku meme nennutume mu buhika mu buloba budi buhita Damaseke kule. Yehowa, Nzambi mene wa misumba, udi wamba dî edi.