Yeshaya 66:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Bualu bua bu mudi diulu dihia-dihia ne buloba buhia-buhia, bindi ngenza bishala ku mpala kuanyi, mmudi Yehowa wamba, mbu mudi tunkanunuma tuenu ne dina dienu bishala.

MUKANDA WA MYIDI MUKULU

²² Maweja-Nangila udi wamba ne: ndelanganyi yebe ne dina diebe nebishale kashidi kumpala kuanyi, amu mudi diulu dipiadipia ne buloba bupiabupia bindi mfuka bua kashidi.

Yeshaya 66:22 Խաչաձեւ Հղումներ

Yeshaya 65:17

Bua monai, ndi nfuka diulu dihia-dihia ne buloba buhia-buhia; malu a diambedi kaena avulukibua, ne malu â kaena abuela mu mitshima kabidi.

Didimanyisha 21:1

Nakatangila diulu dihia-dihia ne buloba buhia-buhia; bualu bua diulu dia kumudilu ne buloba bua kumudilu biakumuka; ne mai manene kenaku kabidi.

2 Petro 3:13

Kadi bu mudi mulayi wandi tudi tutekemena diulu dihia-dihia ne buloba buhia-buhia mudi buakane buikalemu.

Matayi 28:20

nubayishe mua kuenza malu onso anakanuambila; ne monai, ndi nʼenu matuku onso tô ne kunshikidilu kua tshikondo etshi.

Yeshaya 48:19

Tunkanunuma tuebe tuakadi kuikala bu nsenga, ne bana badi bahatuka munda muebe bakadi kuikala bu tusoka tuai; dina diabo kadiakadi diumushibua anyi kushihibua ku mpala kuanyi.

Yeshaya 51:16

Nakuteka mei anyi mukana muebe, nakukusokoka mu mundidimbi wa tshianza tshianyi, bua meme kuasa diulu ne kujadika bishimikidi bia buloba, ne bua kuambila Siona ne, Wewe udi bantu banyi,

Yeshaya 53:10

Kadi Yehowa wakasua kumukuma, yeye wakamusamisha. Halueye kufila muoyo wandi bu mulambu wa kubuikila nʼau mibi, yeye neatangile tunkanunuma tuandi, nealeheshe matuku a muoyo wandi, ne muanda udi Yehowa musungule bua kuwenza newikale ne diakalengele mu tshianza tshiandi.

Yeshaya 56:5

Nembahe tshivulukidi ne dina mu nsubu muanyi ne munda mua ngumbu yanyi bidi bihita bana balume ne bana bakashi buimpe; nembahe dina dia tshiendelele didi kadiyi dijimishibua.

Yeshaya 61:8

Bualu bua meme Yehowa ndi musue kulumbulula kuakane, ndi nkina kunyenga kua bina ne kuenza kua malu mabi; nembahe difutu diabo mu lulamatu luanyi lua bushuwa, nempunge nʼabo tshihungidi tshia tshiendelele.

Yeshaya 61:9

Bana bakalelabo nebamanyibue munkatshi mua bisamba bia bantu, ne bana badi maminu abo nebamanyibue munkatshi mua bantu; bonso badi babamona nebabitabushe ne, Badi bantu badi Yehowa muvudishile disanka.

Yeshaya 65:22

Kabena basa nsubu bua mukuabo abuelemu; kabena bakuna bintu bua mukuabo abidie; bualu bua bu mudi matuku a muoyo wa mutshi mbu mudi matuku a bantu banyi, ne bantu banakusungula nebasanke musangu mule mu mudimu wa bianza biabo.

Yeshaya 65:23

Kabena bakuata mudimu wabo hatuhu, kabena balela bana bua kabutu kakuate bana lubilu; bualu bua bobo nebikale bana baledibue kudi badi Yehowa muvudishale disanka, ne bana babo badibo balela nebasankishibue nʼabo diatshimue.

Sefanya 3:20

Mu tshikondo atshi nendue nʼenu, ne mu tshikondo atshi nennusangishe hohamue; bua nennuvuishile dina dinene ne butumbi munkatshi mua bantu bonso ba ha buloba, hanahingasha diakalengele dienu ku mesu kuenu mu muaba wa buhika buenu. Yehowa udi wamba dî edi.

Yeshaya 59:21

Yehowa udi wamba ne, Bu mundi ngamba, etshi ntshihungidi tshindi mpunga nʼabo: Nyuma wanyi udi hamʼbidi hebe, ne mei anakuteka mukana muebe, kabiena biumuka mukana muebe, anyi mukana mua bana bebe baledibue, anyi mukana mua bikulu bebe, ku dituku edi to ne tshiendelele. Yehowa udi wamba nunku.

Yirmeya 33:20

Yehowa udi wamba ne, Binuamanya mua kushiha tshihungidi tshianyi tshinakahunga ne munya ne tshihungidi tshianyi tshinakahunga ne butuku, bua munya ne butuku kabikadiku mu tshikondo tshiabi;

Yirmeya 33:21

nunku nebamanye mua kushiha tshihungidi tshinakahunga ne Davidi muntu wanyi, bua yeye kikadi ne muana mulume wa kushikama mu nkuasa wandi wa bukelenge bua kukokesheye, ne tshinakahunga ne Bena Lewi bakuidi, bankuatshidi ba mudimu.