Yeshaya 65:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Nempatule tunkanunuma mu Yakoba, nempatule bahianyi ba mikuna yanyi mu Yuda; bantu banakusungula nebahiane buloba, ne badi bankuatshila mudimu nebashikamemu.

MUKANDA WA MYIDI MUKULU

⁹ Meme nemvudije bena tshisamba tshia Yakobe, ne bena diku dia Yuda. Bonsu aba bandi musungule, nebasombe pa mikuna yanyi minene, nebapiane ditunga. Bantu badi bandamate nebasemu nzubu yabu.

Yeshaya 65:9 Խաչաձեւ Հղումներ

Yeshaya 27:6

Mu matuku adi kâyi manji kulua Yakoba nêle miji; Isalele neabaluluke, neasampile ntonga; nebûshe buloba buonso ne tumuma tua nvinyo.

Rome 11:28

Mu bualu bua lumu luimpe, Bena Isalele badi bena lukuna ba Nzambi bua bualu buenu; kadi mu bualu bua disungula dia Nzambi badi banangibua kudiye bua bualu bua bankambua babo.

Matayi 24:22

Bu matuku au kâi makeheshibue kudi Nzambi, nasha muntu wakadi kuhanduka; kadi Yeye neateheshe matuku au bualu bua badibo basungula kudi Nzambi.

Sefanya 3:20

Mu tshikondo atshi nendue nʼenu, ne mu tshikondo atshi nennusangishe hohamue; bua nennuvuishile dina dinene ne butumbi munkatshi mua bantu bonso ba ha buloba, hanahingasha diakalengele dienu ku mesu kuenu mu muaba wa buhika buenu. Yehowa udi wamba dî edi.

Yezekiyele 36:24

Bua nennuhatule munkatshi mua bisamba bia bantu, nennusangishe bua kunûmusha munkatshi mua maloba makuabo, nendue nʼenu mu buloba buenu mene.

Yeshaya 65:22

Kabena basa nsubu bua mukuabo abuelemu; kabena bakuna bintu bua mukuabo abidie; bualu bua bu mudi matuku a muoyo wa mutshi mbu mudi matuku a bantu banyi, ne bantu banakusungula nebasanke musangu mule mu mudimu wa bianza biabo.

Yeshaya 65:15

Nenushile bantu banyi banakusungula dina dienu bu dia mulau, ne Mukelenge Yehowa neanushihe; kadi neabikile bantu bandi ku dina dikuabo.

Yeshaya 45:19

Tshiakuamba dî mu musokoko, mu muaba wa mu buloba bua mîdima: tshiakuambila tunkanunuma tua Yakoba ne, Nunkebe mu muaba udi mutuhu. Meme Yehowa ndi ngamba mei a bushuwa, ndi ngamba mei adi majalame.

Yeshaya 32:18

Bantu banyi nebashikame mu miaba ya ditalala, ne mu nsubu idi kayiyi ne njiu hehi, ne mu bikishilu bia ditalala.

Yeshaya 30:19

Nuenu, ba mu Siona badi bashikame mu Yelushalema, kanuena nudila kabidi. Yeye neanuleshe dinanga diandi bulelela hunvueye muadi wenu; mu diba didiye unvua neitabe kunudi.

Yeshaya 45:25

Tunkanunuma tuonso tua Isalele netubingishibue mu Yehowa, neutumbile kudiye.

Yeshaya 49:8

Yehowa udi wamba dî edi ne, Mu tshikondo tshia diakalengele nakitaba kûdi, ne mu dituku dia luhandu nakukukuatshisha; nenkutume, nenkume kudi bantu bu tshihungidi tshiabo, bua kujadika buloba, bua kubahesha mahianyi akadi mashale makolo.

Yeshaya 57:13

Hawadila, mpingu yebe ya tshianana iwakusangisha ikuhandishe! Luhehele neluye nʼai, muhuya neumushe buonso buai. Kadi wanyemena kundi neahiane buloba, neahiane mukuna wanyi wa tshijila.

Yeshaya 60:21

Bantu bebe bonso nebikale bakane; nebahiane buloba tshiendelele, bu lutonga lua dikuna dianyi, bu mudimu wa bianza bianyi, bua meme ntumbishibue.