Nsumuinu 21:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Mesu adi ne dihetu ne mutshima udi udibandisha bidi disanka dia bantu babi, bidi malu mabi.

MUKANDA WA MYIDI MUKULU

⁴ Mpala wa kapeja ne muoyi wa ditambisha ke bidi bileja bubi bua muena lonji.

Nsumuinu 21:4 Խաչաձեւ Հղումներ

Yobe 18:5

Bulelela, muinda wa bantu babi neujime, ne ludimi lua kahia kandi kaluena lukenka.

Yobe 18:6

Munya neulue mîdima mu ntenta wandi, ne muinda wa mulu mua nsubu wandi neujime.

Misambu 10:4

Muntu mubi udi wamba mu diambu diandi ne, Nzambi kena ukengesha muntu. Meji andi onso adi anu nunku ne, Kakuena Nzambi.

Misambu 101:5

Wasonkuela muena mutumba nʼandi mu busokoko, nemmubutule yeye. Wikala ne mesu adi ne dihetu ne mutshima udi ne kudisua, tshiena mmuitabusha.

Misambu 131:1

Yehowa, mutshima wanyi kawena udibandisha, mesu anyi kaena ne dihetu. Tshiena ngela meji anyi ku mianda mitambe bunene, anyi ku mianda mitambe kunkemesha bua meme kuyenza.

Nsumuinu 15:8

Mulambu udi bantu babi bafila udi utondesha Yehowa, kadi ditendelela dia bantu bakane didi dimusankisha.

Nsumuinu 21:27

Mulambu udi bantu babi bafila udi utondesha Yehowa; mona mudiu utamba kumutondesha haluabo nʼau ne mitshima idi ihangidisha malu mabi!

Nsumuinu 24:20

Bualu bua muntu mubi kena ne nshikidilu muimpe; nebajime muinda wa bantu babi.

Nsumuinu 30:13

Bantu badiku,—mona mudi mesu abo ne dihetu, ne mudibo bahanda mesu mulu!

Nsumuinu 6:16

Mianda isambombo idiku idi Yehowa ukina; e, mianda muanda mutekete idi imunyingalasha:

Nsumuinu 6:17

mesu adi ne dihetu, ludimi ludi lushima, ne bianza bidi bimatshiha mashi a badi kabayi ne tshilumbu hanshi,

Nsumuinu 8:13

Kutshina Yehowa nkuikala ne malu mabi lukuna. Kudisua, kudibandisha ne nshila wa malu mabi, mukana mudi muamba mei a tshitshu, ndi mbikina.

Yeshaya 10:12

Kadi halua Mukelenge kushikisha mudimu wandi wonso udiye wenzela mukuna wa Siona ne musoko wa Yelushalema, yeye neakengeshe bienzedi bia mu mutshima wa diambu wa mukelenge wa Ashû, neuhuekeshe butumbi bua kudilesha kuandi.

Yeshaya 2:11

Mesu a diambu a bantu neinamishibue, dihetu dia bantu banene nedihuekeshibue, ne Yehowa nkayandi neatumbishibue mu dituku adi.

Yeshaya 2:17

Diambu dia bantu nedihuekeshibue, kudisua kua bantu nekukeheshibue; anu Yehowa nkayandi neatumbishibue mu dituku adi.

Yeshaya 3:16

Yehowa udi wamba kabidi ne, Bualu bua bana bakashi ba mu Siona badi badisue, badi benda bolola nshingu yabo, bakenzakana mesu mabi, bazunzuka, bakuisha nkanu idi miela ku mikolo yabo;

Luke 11:34

Disu diebe didi muinda wa mubidi webe; bikala disu diebe dimona tshintu bimpe, mubidi webe wonso neuteme ne munya; bikaladi dibi, mubidi webe wonso neufike ne mîdima.

Luke 18:14

Ndi nuambila ne, Muntu au wakuhueka ku nsubu kuandi mubinge, mukuabo muhile; bualu bua wadibandisha nebamuhuekeshe, wadihuekesha nebamubandishe.

Rome 14:23

Kadi udi wela mpata udi uhila hadieye, bualu bua kena udia ne ditabusha; bualu buonso budi kabui bufuma ku ditabusha budi bubi.

1 Petro 5:5

Muomumue, nuenu bansongalume, nukokele bakulumpe. E, buonso buenu nudiluatshishe ne buhuekele, bua kukuatshishangana; bualu bua Nzambi udi uhidia badi badisue, kadi udi uha badi badihuekesha ngasa.