Misambu 60:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bua bantu bebe baudi munange babandishibue, ubasungile ne tshianza tshiebe tshia bukole, utunvuile.

MUKANDA WA MYIDI MUKULU

⁵ Uvua mumueneshe tshisamba tshiebe mabika ne mala, mutunuishe dikopu dia tshiji, tuenda tutetuka.

Misambu 60:5 Խաչաձեւ Հղումներ

Misambu 17:7

Lesha luse luebe ludi lutukemesha, wewe udi Usungila badi bakeba tshinyemenu ku tshianza tshiebe tshia bukole bua kuhanduka kudi badi bajuka bua kubaluisha.

Yeshaya 41:10

Kutshinyi, bualu bua ndi nʼebe; kukenzakanyi bua buowa nansha, bualu bua ndi Nzambi webe; nenkukoleshe, bulelela, nenkukuatshishe; bulelela, netujadike ne tshianza tshianyi tshia balume tshia buakane buanyi.

Misambu 18:35

Wewe wakumpa ngabu wa luhandu luebe, tshianza tshiebe tshia balume tshiakungimanyika, ne kudihuekesha kuebe kuakunvuisha muntu munene.

Ekesode 15:6

Yehowa, tshianza tshiebe tshia balume tshidi ne butumbi ne bukole, Yehowa, tshianza tshiebe tshia balume tshidi tshisunsula bantu badi nʼetu lukuna.

Matayi 17:5

Hakatshidiye wamba nunku, monai, ditutu diengelela diakababuikila; dî diakaluhuka mu ditutu ne, Eu udi Muanʼanyi munanga, yeye udi unsankisha bimpe, munvuilai.

Misambu 74:11

Udi ukanda tshianza tshiebe, tshianza tshiebe tshia bukole mene bua tshinyi? Utshihatule mu tshiadi tshiebe, ubabutule.

Misambu 60:12

Bituikala ne dikuatshisha dia Nzambi, nebenze bienzedi bia bukitu; bualu bua nyeye udi udiatakasha badi nʼetu lukuna muinshi mua makasa andi.

Matayi 3:17

ne unvuai, dî diakafuma mu diulu ne, Eu udi Muana wanyi munanga, yeye udi unsankisha bimpe.

Yirmeya 11:15

Wanyi munanga udi mua kuenza bualu kai mu nsubu muanyi, yeye mumane kuenza malu a bundu? Mitshihu yebe ne munyinyi wa tshijila nebimanye mua kukûmushila mulau ne mua kukuhandisha ku bintu ebi, anyi? Ha wenza malu mabi, ke haudi usanka.

Misambu 127:2

Ebu mbualu bua hatuhu ne, Nudi nubika hatshiatshia, nudi nunenga ha kulala butuku, nudi nudia bidia binuakukuatshila mudimu mukole; bualu bua yeye udi ubifila kudi bananga bandi hatshidibo balala tulu.

Misambu 22:8

Wakadifila kudi Yehowa; yeye amusungile, yeye amuhandishe, bualu bua udi usanka bualu buandi!

Misambu 20:6

Katataka ndi mumanye ne, Yehowa neasungile wakueleye manyi ha mutu handi, neitabe kudiye ne ditaba difume mu diulu diandi dia tshijila, ku bienzedi bikole bia tshianza tshiandi tshia balume tshidi tshimusungila.

Dielulula 33:12

Bua Benyamina yeye wakamba ne, Munangi wa Yehowa neashikame nʼandi talalâ, utu wamubuikila matuku onso, udi ushikama hankatshi ha makaya andi.

Dielulula 33:3

Bulelela, yeye udi unanga bantu bonso, bantu bandi bonso ba tshijila hadi mu tshianza tshiebe: bobo bakashikama hanshi ku makasa ebe, bua kunvua mei ebe.

Misambu 71:20

Wewe wakundesha makenga makole a bungi neunsangashe kabidi, neumpatule kabidi mu ndondo wa mu buloba.

Misambu 75:9

Kadi meme hanyi nengambe butumbi buebe tshiendelele, nengimbile Nzambi wa Yakoba misambu ya kumutumbisha nʼai.

Yeshaya 51:17

Tabala, tabala, bika biebe, Yelushalema, wakunua luhanza lua tshiji tshiandi ku tshianza tshia Yehowa, wakunua luhanza ludi lukutenkakasha, waku dî mana tô ne ku binyindanyinda.