Misambu 40:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Nakuamba lumu luimpe lua buakane buebe mu disangisha dinene dia bantu, mona, tshiakukanda mishiku yanyi, wewe Yehowa, udi mumanye bualu ebu.

MUKANDA WA MYIDI MUKULU

⁹ Mvidi Mukulu wanyi, ndi musue kukumbaja biudi ujinga. Ndi mulame mikenji yebe mu muoyi wanyi.

Misambu 40:9 Խաչաձեւ Հղումներ

Misambu 119:13

Mishiku yanyi idi ilondela bantu kulumbulula kuonso kua mukana muebe.

Misambu 139:2

Wewe muine udi mumanye hanashikama hanshi ne hanajuka; udi ujingulula meji anyi hantshidi kule.

Misambu 22:22

Nengambile bana betu bua dina diebe; nenkutumbishe munkatshi mua ba mu disangisha dia bantu ba Nzambi.

Misambu 22:25

Kukutumbisha kuanyi mu disangisha dinene dia bantu ba Nzambi kudi kufuma anu kûdi wewe; nemmane mitshihu yanyi ku mpala kua badi bamutshina.

Misambu 35:18

Nenkusakidile mu disangisha dinene dia bantu; nenkutumbishe munkatshi mua tshisumbu tshinene tshia bakole.

Misambu 37:31

Mukenji wa Nzambi wandi udi mu mutshima wandi; biendedi biandi kabiena biselemuka.

Yirmeya 31:33

Yehowa udi wamba ne, Kadi etshi ntshihungidi tshindualua kuhunga ne Bena Isalele ku nyima kua matuku au: nenteke mikenji yanyi munda muabo, nenyifunde mu mitshima yabo; meme nengikale Nzambi wabo, ne bobo nebikale bantu banyi.

Yowanane 21:17

Wakamukonka tshiakasatu ne, Simona wa Yona, udi munsue, anyi? Mutshima wa Petelo wakanyingalala bua yeye wakamukonka tshiakasatu ne, Udi munsue, anyi? Wakamuambila ne, Mukelenge, wewe udi mumanye malu onso; udi mumanye ne, Ndi mukusue. Yesu wakamuambila ne, Udishe mikoko yanyi.

Ebrewu 2:12

wamba ne, Nengambile bana betu dina diebe, Munkatshi mua bena ekelesia nengimbe misambu ya kukutumbisha nʼai.

Yoshua 22:22

Nzambi Umue Munene, Yehowa, Nzambi Umue Munene, Yehowa, udi mumanye; Bena Isalele nebamanye biabo ne, Bikalaku ditomboka, anyi bikalaku buhidia bua kuhidia Yehowa, kanutusungidi lelu.