Misambu 121:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Yeye kena witabusha bua dikasa diebe diselemuke; utu wakinama kena ulala tulu.

MUKANDA WA MYIDI MUKULU

³ Akuepule, kututshi dikasa dibi, akulame, kayi upungila!

Misambu 121:3 Խաչաձեւ Հղումներ

Misambu 127:1

Bikala Yehowa kayi wasa nsubu, badi bamuasa badi bakuata mudimu eu hatuhu. Bikala Yehowa kayi ulama musoko, mutentekedi udi utabala hatuhu.

Misambu 41:2

Yehowa neamulame, neamukube bua yeye ashale ne muoyo. Nebamubale bu muntu udi muvudishibue disanka ha buloba; ne wewe kumufidi mu bianza bia badi nʼandi lukuna bua bamuenzele bu mudibo basue.

Misambu 55:23

Kadi wewe Nzambi, neutulule bantu aba hanshi tô ne ku ndondo wa dijimba dia kabutu; bantu badi bamatshisha mashi ne badi badinga kabena bashala ne muoyo tshituha tshia hankatshi tshia matuku abo. Kadi meme nenkueyemene wewe.

Misambu 66:9

wakatulama bua tuikale munkatshi mua badi ne muoyo, ne kakitabusha makasa etu aselemuke.

Misambu 91:12

Nebakuambule mu bianza biabo bua wewe kututshi dikasa diebe ku dibue.

Nsumuinu 2:8

bua yeye alame nshila ya kulu mbulula kuakane, bua alengeshe nshila wa bansanto bandi.

Nsumuinu 3:23

Hashishe, newende mu nshila webe kuyi ne ditshina, dikasa diebe kadiena dilenduka.

Nsumuinu 3:26

Bualu bua Yehowa neikale tshieyemenu tshiebe, nealame dikasa diebe bua kadikuatshibu mu buteyi.

Yeshaya 27:3

Meme Yehowa ndi mulami wabu; nembumiamine mai diba dionso. Bua muntu kabanyangi, nembulame butuku ne munya.

1 Petro 1:5

nuenu mbadi balamibua ku bukole bua Nzambi bua ditabusha tô ne ku luhandu tulongolola bubuluibua mu tshikondo tshia kunshikidilu.

1 Samuele 2:9

Yeye nealame makasa a bantu bandi ba tshijila, kadi neahuwishe bantu babi mu mîdima: bualu bua muntu kena utamba ku bukole buandi.