Misambu 103:2 - Mukanda wa Nzambi Dihungila Dikulukulu ne Dihungila Dihia-dihia 2003

² Mutshima wanyi, uvudishile Yehowa disanka; kuhu muoyo bua masanka onso akutuheye:

MUKANDA WA MYIDI MUKULU

² Eyowa, ndi musue kuela Maweja-Nangila tuasakidila, tshiena ndekela kuvuluka bualu buende buimpe nansha bumue.

Misambu 103:2 Խաչաձեւ Հղումներ

2 Kulondolola 32:25

Kadi Hezikiya kakenzela Nzambi bimpe bu muakamuenzeleye bimpe, bualu bua yeye wakadisua mu mutshima wandi, nunku tshiji tshia Nzambi tshiakadi kudiye ne kudi Bena Yuda ne ba mu Yelushalema.

Misambu 105:5

Nuvuluke bienu bienzedi bia kukema biakenzeye, malu andi a kukema ne dilumbulula dia mukana muandi,

Misambu 106:21

Bakahua Nzambi Musungidi wabo muoyo, wakabenzela malu manene mu Ejipitu,

Misambu 106:7

Batatu betu bakadi mu Ejipitu kabakalama malu ebe a kukema mu mitshima yabo. Kabakavuluka divulangana dia luse luebe lujalame, kadi bakatombokela Nzambi Mutambe Bunene wa mu diulu ku Mai Manene Makunze.

Misambu 116:12

Nempingashile Yehowa tshinyi bua malu andi mimpe onso akungenzeleye?

Yeshaya 63:1

Eu nganyi udi ufuma ku Edome, mufume ku Bosela ne bivualu bikunze-kunzû, yeye eu ne bivualu bia butumbi, wenda biandi mu bunene bua bukole buandi? Mmeme muine, ngudi wamba bianyi mei a buakane, muikale ne bukole bukumbane bua kusungila bantu.

Yeshaya 63:7

Nenvuluishe bantu bua bienzedi bia luse lujalame lua Yehowa, bua bienzedi bia Yehowa bidi bimutumbisha, bu mudibi bimpe bua malu onso adi Yehowa mutuenzele, ne bua malu andi manene akuenzeleye Bena Isalele, akubahesheye bu mudi luse luandi, ne bu mudi dikumbana dia dinanga diandi dijalame.

Dielulula 32:18

Nuakulekela Dibue diakanufuka, nuakuhua Nzambi wakanulelesha muoyo.

Dielulula 32:6

Nuenu bantu bahote badi kabayi ne meji, nudi nuhingishila Yehowa malu mabi nunku, anyi? Yeye kena tatu wenu wakanuafuka, wakanuenza, wakanujadika, anyi?

Dielulula 6:12

hashishe nudimukai, bua kanuhu muoyo bua Yehowa wakanuhatula mu buloba bua Ejipitu ne mu nsubu wa buluka.

Balombodi 5:2

Bualu bua balombodi bakalombola Bena Isalele, ne bualu bua bantu bakadifila bua disua diabo, nuvudishile Yehowa disanka!

Balombodi 5:9

Mutshima wanyi udi kudi bakokeshi ba mu Isalele bakadifila munkatshi mua bantu bua disua diabo; nuvudishile Yehowa disanka.