Mika 3:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Nakamba kabidi ne, Ndi nnutendekena bua nunvue bienu, nuenu nudi ha mutu ha Bena Yakoba, ne badi bakokesha Bena Isalele; munyi munudi kanuyi bamanye mua kulumbulula biakane?

MUKANDA WA MYIDI MUKULU

¹ Nuenu bamfumu ba ndelanganyi ya Yakobe, nuenu bakoshi ba nsambu ba bena Izrayele, ndi nnukonka ne: “Mudimu wenu kawena wa kukosa nsambu pa yoyi anyi?

Mika 3:1 Խաչաձեւ Հղումներ

Nehemya 13:17

Hashishe nakatandangana ne bantu banene ba mu Yuda, nakabebesha ne, Nudi nuenza bualu ebu bubi bua kunyanga dituku dia lumingu bua tshinyi?

Misambu 14:4

Benji ba malu mabi bonso kabena ne meji, anyi? Badi badia bantu banyi bu mudibo badia bidia, ne kabena babikila dina dia Yehowa.

Yeshaya 1:10

Nuenu bakokeshi ba mu Sodoma, unvuai dî dia Yehowa! Nuenu bantu ba mu Amola, telejai matshu enu ku diyisha dia Nzambi wetu!

Yeshaya 10:2

bua kusesuisha badi bakengela bintu bua kabikadi ne dikosa dimpe dia bilumbu biabo, ne bua kunyenga kulumbulula kuakane kudi bahele ba munkatshi mua bantu banyi, bua bakashi ba mu lufuila bikale bintu bia kuhaulabo, ne bua kuvuishabo bana ba nshiya bintu bia kunyengabo!

Yezekiyele 22:6

Tangila, baminyampala ba Betu Isalele, bakumatshisha mashi a be munkatshi muenu hanshi, muntu ne muntu bu muakadi bukole buandi.

Yezekiyele 34:2

Muana wa muntu, diula balami ba mikoko ba Bena Isalele, amba mei a buprofete, ubambile bobo, balami aba ba mikoko mene, ne, Mukelenge Yehowa udi wamba ne, Mulau wikale kudi balami ba mikoko ba Bena Isalele, badi badidisha! Balami kabakadi kudisha mikoko, anyi?

Yezekiyele 34:3

Nuakunua mabele ai, nuakudiluatshisha miosa yai; nuakushiha mikoko idi ne manyi, kadi kanuakudisha mikoko.

Yezekiyele 9:9

Hashishe yeye wakangambila ne, Bubi bua Bena Isalele ne bua Bena Yuda budi buhita hunene, buloba budi bûle tente ne kumatshisha kua mashi, ne musoko udi mûle tente ne kunyanga kua bilumbu bia bantu. Bualu bua badi bamba ne, Yehowa wakulekela buloba buetu, ne Yehowa kena utumona.

Osheya 5:1

Unvuai dî edi, nuenu bakuidi! Nungunvuile, nuenu Bena Isalele! Telejai matshu enu, nuenu ba mu nsubu wa mukelenge! Bualu bua tshilumbu tshidi tshinukuata mene; bualu bua nuakulua buteyi ku Misepa, ne bukuondo buvungulule ha mukuna wa Tabô.

Amosa 4:1

Unvuai dî edi, nuenu bakashi ba ngombe ba ku Bashana, nuenu badi bashikame ha mukuna wa Samalea, badi bakengesha bantu bahele, badi badiata bakengi, badi bambila babayabo ne, Luai ne nvinyo, tunue bietu.

Amosa 6:1

Mulau wikale kudi badi bashikame talalâ mu Siona bu badi kabayi ne bualu, ne kudi badi bashikame mu mukuna wa Samalea bu badi kabayi ne ntatu, bantu baneme ba munkatshi mua bisamba binene bia bantu, kudibo baya kudi Bena Isalele!

Mika 2:13

Muhandi wa lumbu neadianjile ku mpala kuabo; nebabande lumbu ne nebahitshile mu nshila wa ku tshibi, nebahatukilemu. Mukelenge wabo neadianjile ku mpala kuabo, ne Yehowa neikale ku mutu kuabo.

1 Korente 6:5

Ndi ngamba bualu ebu bua kunufuisha bundu. Kakuena muena meshi umue munkatshi muenu udi mua kulumbuluila bana benu ba mu Kilisto bilumbu biabo, anyi?

Dielulula 16:18

Nenudisunguluile balumbuluishi ne bafundi mu misoko yonso, idi Yehowa, Nzambi wenu, munuhe, ku tshisamba ne ku tshisamba; bobo nebalumbuluishe bantu bilumbu biabo ne dilumbuluisha didi diakane.