Dibadika 7:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bakelenge bakafua bintu bia kujidila nʼabi tshioshelu mu dituku diakelabo manyi ha mutu hatshi, mbakelenge mene bakafua bintu biabo ku mpala kua tshioshelu.

MUKANDA WA MYIDI MUKULU

¹⁰ Dituku dia kujidila tshilambuilu, kutshilaba manyi, bamfumu ba bena Izrayele kufika kabidi ne milambu, kuya nayi kumpala kua tshilambuilu.

Dibadika 7:10 Խաչաձեւ Հղումներ

1 Bakalenga 8:63

Solomo wakahia milambu kudi Yehowa ya kuvuisha nʼai bantu ditalala, ngombe binunu makumi abidi ne bibidi ne mikoko binunu lukama ne makumi abidi. Nunku mukelenge ne Bena Isalele bonso bakajidila nsubu wa Yehowa.

2 Kulondolola 7:5

Mukelenge Solomo wakafila milambu ya ngombe binunu makumi abidi ne bibidi, ne ya mikoko binunu lukama ne makumi abidi. Nunku mukelenge ne bantu bonso bakajidila nsubu wa Nzambi.

2 Kulondolola 7:9

Dituku dia muanda mukulu diakadi dia disangisha dia tshijila; bualu bua bakadi bajidila tshioshelu matuku muanda mutekete, ne bakadia bidia bia disanka matuku muanda mutekete.

Nehemya 12:27

Hakajidilabo lumbu lua Yelushalema, bakabikila Bena Lewi bakadi ku nseke yonso, bakalua nʼabo ku Yelushalema bua kubakuatshishabo mu disanka dia kujidila kua lumbu ne bua kusakidilabo Nzambi ne bua kumutumbishabo ne misambu ne makasa ne bisanji ne nzenze.

Nehemya 12:43

Bakafila milambu ya bungi dituku adi, bakasanka, bualu bua Nzambi wakabasankisha ne disanka dinene; bakashi ne bana bakasanka kabidi; nunku bakunvua disanka dia mu Yelushalema kudi bakadi kule.

Misambu 30:1

Yehowa, nenkutumbishe, bualu bua wakutula, kuakuitabusha bua badi nʼanyi lukuna basanke ku mutu kuanyi.

Dibadika 7:1

Hakalua dituku diakashikisha Mose kushimika nsubu wa tshitendelelu, ne hakeleye manyi ha mutu hatshi, wakatshijidila, ne bintu bionso biakadimu ne tshioshelu ne malonga atshi onso, ne hakeleye manyi ha mutu habi, wakabijidila.

Dibadika 7:11

Yehowa wakambila Mose ne, Buonso buabo nebafile bintu biabo, mukelenge dituku, mukelenge dituku, bua kujidila tshioshelu.

Dibadika 7:84

Ebi mbintu biakajidilabo nʼabi tshioshelu mu dituku diakelabo manyi ha mutu hatshi kudi bukelenge ba mu Isalele malonga masalame a argent dikumi ne abidi, ne malonga a ndondo a argent dikumi ne abidi, ne nkutu ya or dikumi ne ibidi;

Dibadika 7:88

ne mulambu wa kuvuisha nʼau ditalala wakadi balume ba ngombe makumi abidi ne banai, ne bimpanga makumi asambombo ne mbushi ya mpumbu makumi asambombo ne bana balume ba mikoko makumi asambombo ba tshidimu tshimue. Ebi mbintu bia kujidila nʼabi tshioshelu, hakelabo manyi ha mutu hatshi.

Dielulula 20:5

Ba ha mutu habo nebambile bantu ne, Nganyi wakuasa nsubu muhia-muhia, ne kena muanze kunjidila? Bimpe yeye ahingane ku nsubu kuandi; anyi bialueye mu nvita, muntu mukuabo neajidile nsubu wandi.